O`zbekiston respublikasi qishloq va suv xo`jalik vazirligi

Rinit  burun  yo’llari  shilliq  pardasining  yallig’lanishi  bo’lib,  ko’pincha 

qunduzlar kasallanadi.  

Sabablari.  Birlamchi  rinitlar  tashqi  muhitning  noqulay  ta’sirotlari:  harorat, 

namlik,  changlar,  to’shamalarning  dezinfeksiyalovchi  vositalar  bilan  ifloslanishi 

kabi  omillar  hamda  moddalar  almashinuvi  buzilishlari,  burun  sohasining  turli  xil 

jarohatlanishlari  oqibatida  kelib  chiqadi.  Burun  bo’shliqlarida  yashovchi 

mikrofloralar  ham  organizm  rezistentligining  pasayishida  etiologik  omil  bo’lishi 

(autoinfeksiya) mumkin. Burunning ikkilamchi yallig’lanishi o’lat, aulet kasalligi, 

gripp  kabilar  yoki  yallig’lanish  jarayonining  boshqa  a’zolardan  o’tishi  oqibatida 

kuzatiladi. 

---

3 

 

Belgilari. Kasal hayvonda holsizlanish, ishtahaning pasayishi yoki yo’qolishi, 

burun  shilliq  pardasining  qizarishi,  va  shishi  kuzatiladi.  Burun  teshiklaridan 

yallig’lanishning  xarakteriga  ko’ra,  zardobli,  kataral,  yiringli,  fibrinli  ekssudat 

oqadi.  Ekssudatning  qurib  qolishidan  burun  teshiklari  atrofida  qotmalar  hosil 

bo’lib,  ko’pincha  burun  teshiklarini  yopib  quyadi.  Kasallangan  hayvonlarda  aksa 

urish, boshni chayqash, nafasning qorin tipida bo’lib, qiyinlashishi qayd etiladi. 

Tashxis  klinik  belgilar,  anamnez  ma’lumotlari  asosida  qo’yiladi, 

go’shtxo’rlar o’lati, gripp kabi yuqumli kasalliklardan farqlash lozim.  

Davolash. Burun teshiklari atrofidagi ekssudat qotmasi 3%-li perekis vodorod 

eritmasi  bilan  namlanib  olib  tashlanadi,  burunga  tomizg’ich  yordamida  2%-li 

natriy  gidrokarbonat  yoki  1%-li  natriy  xlorid  eritmasidan  2-3  tomchi  tomiziladi. 

Antibiotikoterapiya.