Ruslan allayorov, muhiddin xidirov, qalmaxan abduxalikov

Cho‘qqi
– tog‘, tepa, qirlarning baland, nayzasimon o‘tkir, ko‘pincha 
kristalli, qattiq toshlardan iborat uch qismi. 
Daryo 
– bu odatda tegishli havzadagi yog‘in va yerosti suvlaridan 
to‘yinib, tabiiy o‘zandan harakatlanuvchi suv oqimi. 
Davlat 
– 
mamlakat miqyosida jamiyatni uyushtirish masalalarini hal 
qilish, uning tashqi munosabatlarini belgilash vakolatlari bo‘lgan hukmron 
tuzilma. Hozirgi kunda BMT tarkibidagi davlatlar soni 193 ta. 
Delta
– daryoning dengizga yoki ko‘lga quyilish joyida suvda oqib 
kelgan jinslarning cho‘kib to‘planishidan hosil bo‘lgan tekislik. 
Dengiz
– okeanlardan quruqlik yoki orollar, yarimorollar va suvosti 
relyefining ko‘tarilgan joylari bilan ajralib turadigan, gidrologik, 
meteorologik va iqlimiy rejimi bilan okeanlarning ochiq qismlaridan farq 
qiladigan qismlari. 
Dunyo okeani
(yunoncha, okeanos – Yerni aylanib oquvchi buyuk 
daryo)
– Yer yuzidagi barcha okeanlarning birgalikdagi nomi. Umumiy 
maydoni 361,1 mln kv km. Yer yuzasi maydonining 70,8 % ini tashkil 
etadi. Shimoliy yarimsharda butun maydonning 61 % ini, janubiy 
yarimsharda esa 81 % ini Dunyo okeani egallagan. O‘rtacha chuqurligi 
3800 m, eng chuqur joyi Mariana botig‘ida 11022 m. Dunyo okeani tubi 
relyefi quruqlik yuzasi relyefiga o‘xshab notekis. 
Ekvator
(lotincha, ekuator – tenglashtiruvchi)
– Yer yuzasida 
qutblardan barobar uzoqlikdan o‘tkazilgan aylana chiziq.
Gersog
– O‘rta asrlarda G‘arbiy Yevropada yirik yer-mulk egasi. 

---

93 
Graf
 
– ilk o‘rta asrlarda G‘arbiy Yevropadagi grafliklarda qirol nomidan 
hokimiyatni boshqargan mansabdor shaxs. O‘zaro ichki nizolar kuchaygan davrida 
graflar mustaqil katta mulkdorlarga aylangan. Keyinchalik graf – dvoryanlar unvoni 
(Rossiyada Pyotr I zamonidan 1917- yilgacha mavjud bo‘lgan).