Бухгалтерия ҳисоби назарияси

7.3-расм. Ҳисобнинг автоматлаштирилган шакли 
Хўжалик юритувчи субъектлар хўжалик фаолиятлари ҳисобини 
юритишда бухгалтерия ҳисобининг қайси шаклларидан фойдаланишларидан 
қатъий назар, Ўзбекистон Республикасининг «Бухгалтерия ҳисоби 
тўғрисида»ги қонунига ва бошқа тегишли меъёрий ҳужжатларга ва 
кўрсатмаларига риоя этишлари шарт. 
 
Назорат учун саволлар 
1. Бухгалтерия ҳисоби регистрлари ва уларнинг аҳамияти нималардан
иборат? 
2. Бухгалтерия ҳисоби регистрларининг қандай турлари мавжуд? 
3. Бухгалтерия ҳисобининг регистрлари турларини юритиш тартиби 
қандай? 
4. Бухгалтерия ҳисоби регистрларидаги хато қандай усуллар ёрдамида 
тузатилади ? 
5. Бухгалтерия ҳисобининг қандай шакллари мавжуд? 
6. Бухгалтерия ҳисобини «Мемориаль-ордер» шаклининг афзаллиги ва 
камчилиги нималардан иборат? 
7. Бухгалтерия ҳисобини «Бош китоб», шаклининг афзаллиги ва 
камчиликлари нималардан иборат? 
8. Бухгалтерия ҳисобини «Журнал-ордер» шаклининг афзаллиги ва 
камчиликлари нималардан иборат? 
9. Бухгалтерия ҳисобини «Электрон-автоматлаштирилган» шаклининг 
афзаллиги ва камчиликлари нималардан иборат? 

---

105 
8-МАВЗУ. БУXГAЛТEРИЯ ҲИСOБOТИ
 
8.1. Буxгaлтeрия ҳисoбoти ҳaқидa тушунчa, унинг aҳaмияти вa мoҳияти. 
8.2. Бухгалтерия ҳисоботини тузишга тайёргарлик кўриш 
8.3. Ҳисоб сиёсати ва унинг хўжалик юритувчи субъектлар 
фаолиятидаги аҳамияти 
8.4.Бухгалтерия (молиявий) ҳисоботининг таркиби ва турлари 
 
 
Таянч иборалар: Ҳисобот, бухгалтерия баланси, молиявий 
натижалар тўғрисидаги ҳисобот, пул оқимлари тўғрисидаги ҳисобот, 
хусусий капитал тўғрисидаги ҳисобот. 
 
8.1. Буxгaлтeрия ҳисoбoти ҳaқидa тушунчa, унинг aҳaмияти вa 
мoҳияти. 
Маълум бир даврга ҳисоб кўрсаткичларини умумлаштириш ҳисобот деб 
аталиб, унда корхона молия хўжалик фаолиятининг натижаси ва маълум бир 
даврга режа кўрсаткичларининг бажарилиши бухгалтерия, статистик ва 
оператив (тезкор) ҳисоби маълумотларига асосланиб тузилади. 
Ҳисобот кундалик ҳисоб маълумотларини ҳисоблаш ва гуруҳлаш йўли 
билан бир неча шаклларда тузилади. Унинг шаклларида ҳисобот давридаги 
фақат ҳақиқий жорий маълумотларгина эмас, балки ўтган давр маълумотлари 
ҳам кўрсатилади.