Toshkent moliya instituti kredit-iqtisod fakulteti tijorat banklari foizsiz daromadlarini oshirish

 

---

Foizli  daromadlar  -  oldindan  shartnoma  asosida  belgilangan  foiz  stavka 

bo'yicha  hisoblanadi.  Bulardan  asosiylari  kredit  bo'lib  banklar  o'z  kapitalini 

tezroq ko'paytirish  maqsadida,  jalb qilingan  mablag’lardan  samarali  foydalanish 

va ulardan foydalanib ko'proq foyda olish uchun qisqa muddatli kreditga ko'proq 

mablag’ yo'naltiradi.  

Banklar  mijozlarning  hisobidan  ularning  topshiriqlarini  bajarish  bilan 

bog’liq  komission  operatsiyalarni  ham  olib  boradilar.  Bunday  komission 

operatsiyalar  mamlakat  ichida  yoki  bir  mamlakatdan  boshqa  mamlakatga  pul 

o'tkazishda,  bank  o'z  mijozlariga  ularning  hisob-kitob,  joriy,  valyuta,  qarz  va 

boshqa  hisobvaraqlarini  ochish  hamda  yuritish  bo'yicha  ko'rsatadigan  xizmatlar, 

naqd  pul  berish  (olish)  shuningdek  axborot,  maslahat,  ekspertiza  hamda  boshqa 

xizmatlar  ko'rsatishda  yuzaga  keladi  va  ulardan  olinadigan  haqlar  ham  bank 

daromadini  tashkil  etadi.  Bundan  tashqari  banklar  investitsiya  bo'yicha,  ya'ni 

qimmatli  qog’ozlarni  sotib  olish  orqali  ham  yuqori  daromad  oladilar.  Tijorat 

banklari  qimmatli  qog’ozlar  chiqarish  va  joylashtirish  bilan  ham  shug’ullanishi 

mumkin.  Ya'ni,  bank  qimmatli  qog’ozlar  chiqarish,  xarid  qilish,  sotish,  hisobini 

yuritish  va  ularni  saqlash,  mijoz  bilan  tuzilgan  shartnomaga  asosan  qimmatli 

qog’ozlarni boshqarish, qimmatli qog’ozlar bilan boshqa operatsiyalarni bajarish 

orqali daromad ko'radi.