Bаkiyеvа I. А., Kadrlar xizmatida ish yuritish. O‘quv qo‘llаnmа. – Т.: Iqtisodiyot, 2019. – 229 b

Rasmiy hujjat vizasi:
mansabdor shaxsning hujjat bilan tanishib 
chikkanligini tasdiklovchi imzo. 
Ichki hujjat:
tayyorlagan tashkilotdan tashqariga chiqarilmaydigan rasmiy 
hujjat. 
Yig’ma jild hujjatlarining ichki ro’yhati:
hujjatlarning tartib raqami, 
ularning indekslari, nomi, sanasi, varaqlar miqdori ko’rsatalgan holda yig’ma jild 
hujjatlarining ro’yhatini o’z ichiga olgan hisobga olish hujjati. 
Kelishish grifi:
hujjatning muallifi hisoblanmagan muassasa yoki 
organlarning hujjat mazmuni bilan roziligini aks ettiruvchi rasmiy hujjat rekviziti. 
Tasdiqlash grifi:
hujjat mazmuniga normativ yoki huquqiy xususiyat 
beradigan rasmiy hujjat rekviziti. 

---

38 
Yig’ma jild:
bir xil masalaga yoki faoliyatning bir xil uchastkasiga taalluqli 
bo’lgan, alohida joylashtiriladigan hujjatlar jami yoki hujjat. 
Hujjat; hujjatlashtirilgan axborot:
axborotni yozish imkoniga ega moddiy 
eltuvchida yozilgan rekvizitlarga ega axborot. 
Hujjatlashtirish:
o’rnatilgan qoidalar bo’yicha turli eltuvchilarga axborotni 
yozish. 
Hujjat aylanishi:
yaratilgan yoki olingan vaqtdan ijrosi tugaguncha yoki 
jo’natilguncha hujjatning tashkilotda harakatlanishi. 
Hujjat satri: 
bir gorizontal chiziqda joylashgan belgilar to’plami. 
Mansabdor shaxs:
yetarlicha yuqori lavozimni egallagan va muhim 
qarorlarni qabul qilish va yuridik ahamiyatli amallarni amalga oshirish vakolatiga 
ega davlat muassasasining xizmatchisi. 
Rasmiy hujjat sarlavxasi:
hujjat mazmunini qisqacha bayon qiladigan hujjat 
rekviziti. 
Hujjatning tasdiklangan nusxasi:
yuridik kuchga egaligini bildiradigan 
zarur rekvizitlar belgilangan tartibga muvofiq qo’yiladigan hujjat nusxasi.