Microsoft Word sharq haqni topdi ziyouz com doc

Umar ibn Xattob
Dunyo - ilon, ilonbozdir dunyo qidirgan, ilonbozdan qasdin olur ilon oqibat. 
Abu Abdulloh Ro‘dakiy

---

Sharq Haqni topdi… 
www.ziyouz.com
кутубхонаси
40
Dunyoning ichiga kir, sayr qil, ammo ehtiyot bo‘l - dunyo sening ichingga kirmasin! 
Muhammad Nurulloh Saydo Jazariy
Alloh bandasi uchun biron yaxshilikni niyat qilganda, unga bir dunyolik beradi, u tugagach, yana 
beradi. Agar bandasining nazarida bu dunyolik haqir ko‘rinsa, unga ahamiyat bermasa, Alloh yanada 
mo‘lroq beradi. 
Hasan Basriy
Bu dunyoning adolatsizligi shundaki, u insonni mehnatiga yarasha taqdirlamaydi: yo xizmatini oshirib 
baholaydi, yo kamsitib. 
Buzurjmehr
Bir bandaga dunyo molidan nima yetsa, saxiy bo‘lsa ham, Alloh nazdidagi darajasi pasayadi. 
Abdulloh ibn Umar
Kim musulmon bo‘lib, badani ham sog‘lom bo‘lsa, unda dunyo va oxirat ne’matlarining kattasi 
jamlanibdi. Chunki dunyo ne’matlarining sayyidi - salomatlik, oxirat ne’matlarining sayyidi - Islomdir. 
Bakr ibn Abdulloh Mazaniy
Alloh o‘rtaga qo‘ygan mashru’ (qonuniy) yo‘l bilan topganlaringga qanoat qil. Halol bo‘lmagan biron 
narsani o‘zingga mol deb bilma. Halol molingni va halol topganingni o‘z o‘rnida sarfla. Shunda dunyo 
sevgisi senga zarar bermaydi. 
Abu Hozim
Hukmdorlarning va qirollarning dabdabali yashashlariga qarama, ularning qanday tezlik bilan bu 
olamdan ko‘chib ketayotganlariga va hayotlarining xotimasi yomonligiga qara. 
Mutarrif ibn Shixxir
Eh, bizlar bu dunyoda faqir va bechorahol bo‘lishdan qo‘rqamiz. Ammo oxiratda faqir, nochor va 
rasvoyi jahon bo‘lishdan qo‘rqmaymiz. Holbuki, biz - bandalarning yaxshi amallarga faqiru kambag‘al 
bo‘lishimiz bu dunyodagi kambag‘alligimiz va nochorligimizdan qo‘rqinchliroq va uyatliroqdir.