Microsoft Word sharq haqni topdi ziyouz com doc

Abay Qo‘nonboev
Oqil chin so‘zdin o‘zgani demas, ammo barcha chinni ham demak - oqil ishi emas. 
Alisher Navoiy
Qalbning qanaqaligini amal ko‘rsatadi. 
Muhammad Kamol Pilav
Dono kishining tili uni baxtsizlikdan asraydi. Yaramas kishining tili esa uning boshiga kulfat keltiradi. 
Majididdin Xavofiy
Oqil, dono kishi aql ishlatib, ma’nosiz, behuda ishlardan chetlanadi. Aqlsiz, nodon odam esa doimo 
o‘zini maqtab sirlarini ochadi. 
Abdiy
Kishi farosatda qancha nogiron, 
Aybini oqlashda shuncha bilag‘on. 
Xusrav Dehlaviy
Fanning ibtidosi - aql, aqlning ibtidosi esa - sabr-toqat. 
Efendi Kapiev
Og‘izga kelganni demak - nodonning ishi, 
Oldig‘a kelganni yemak - hayvonning ishi. 
Alisher Navoiy
Tahsil olish mashaqqatini tortgan odam johillik kasaliga duchor bo‘lmaydi. 
Majididdin Xavofiy
Donishmand va olimlarning xulqlaridan o‘rnak olish yaxshi xulqni tiriltiradi, yomonni yo‘q 
qiladi. 
Abu Rayhon Beruniy
Ziyraklar suhbati etar baxtiyor, 
Nodon nafida ham doim zarar bor. 
Nosir Xisrav

---

Sharq Haqni topdi… 
www.ziyouz.com
кутубхонаси
35
Eshitish zarar bo‘lsa ham, dononing so‘zlari foydadan xoli bo‘lmaydi. Ahmoqning gapiga quloq solish 
qanchalik zavqli bo‘lmasin, u hamma vaqt ziyondir. 
Majididdin Xavofiy
Bilmagan narsani bilmayman, deb javob berishdan uyalmang. 
Ali ibn Abu Tolib
Oqil ahli hirsga giriftor bo‘lmas, 
Hasad qilgan bilan tillo xor bo‘lmas. 
Pahlavon Mahmud
Jo‘rttaga o‘z so‘zida turib olgan bilimsiz kishi bilan bahslashish na maqsad egasiga va na maqsadga 
biror foyda yetkazmaydi. 
Abu Rayhon Beruniy 
Ko‘p vaqillagan donodan ko‘ra, Jim o‘tirgan nodon yaxshi, jo‘ra.