Mirishkor tuman hokimining 2019-yil 26-oktabrdagi qaroriga ko‘ra

2-savol: Ma’muriy aktga o‘zgartirish kiritish va bekor qilish tartibini 
yoritib bering. 
Ma’muriy aktga o‘zgartirish kiritish va bekor qilish tartibi “Ma’muriy tartib-
taomillar to‘g‘risida”gi qonunning 59-60-moddalarida aniq belgilab qo’yilgan.
Ushbu qonunning 59-moddasi 1-qismiga ko’ra, hujjat manfaatdor shaxsning arizasi 
yoki ma’muriy shikoyatiga ko’ra ma’muriy hujjatni qabul qilgan ma’muriy organ, 
yuqori turuvchi ma’muriy organ tomonidan, shuningdek qonun hujjatlarida 
nazarda tutilgan hollarda boshqa organ tomonidan ham bekor qilinishi yoki 
o’zgartirilishi mumkin.
Demak, hujjat boshqa shaxslar emas aynan manfaatdor shaxsning arizasiga 
ko’ra yoki shikoyatiga ko’ra bekor qilinadi.
Shuningdek, ma’muriy hujjatni qabul qilgan ma’muriy organ o’z 
tashabbusiga ko’ra hujjatni quyidagi hollarda o’zzgartirishi yoki bekor qilishi 
mumkin: 
-qonun hujjatlaridagi o’zgartishlar; 
-ma’muriy hujjatning qonun hujjatlariga nomuvofiqligi; 
-jamiyat manfaatlariga bo’lgan tahdidni oldini olish; 
-qonundagi boshqa hollarda. 

---

Bundan tashqari ma’muriy hujjatni sud tartibida bekor qilish qonun 
hujjatlarida belgilab qo’yilishi mumkin. Misol uchun ushbu qonunning 59-moddasi 
5-qismida aytilganidek manfaatdor shaxsning ishonchi himoya qilonishi lozim 
bo’lgan hollarda, ma’muriy hujjatni bekor qilish yoki o’zgartirish masalasi sud 
tartibida hal qilinadi. Shu o’rinda manfaatdor shaxs ma’muriy hujjatning qonuniy 
kuchiga ishonib, ma’muriy hujjat asosida olingan mol-mulkdan foydalangan, uni 
tasarruf etish uchun bitim tuzgan yoki ma’muriy hujjatda belgilangan 
imtiyozlardan boshqacha tarzda foydalangan bo‘lsa, uning ishonchi himoya 
qilinishi lozimligini aytib o’tish lozim.
Manfaatdor shaxsning ishonchidan qat’i nazar, ma’muriy hujjat qonun 
hujjatlariga muvofiq kelmasa vaunting saqlab qolinishi jamiyat manfaatlariga 
tahdid solsa, ushbu hujjat ma’muriy organ tomonidan bekor qilinishi mumkin.
Shuningdek, “Ma’muriy tartib-taomillar to‘g‘risida”gi qonunning 59-moddasi 
tegishli qismida ma’muriy hujjatni bekor qilishning yana bir nechta asoslari 
keltirib o’tilgan: 
qonun talablariga muvofiq yoki bevosita ma’muriy hujjatning o‘zida 
nazarda tutilgan bo‘lsa; 
agar keyinchalik o‘zgargan haqiqiy holatlar tufayli yoki qonunchilikdagi 
o‘zgartishlar asosida jamoat manfaatlariga zarar yetishining oldini olish maqsadida 
ma’muriy hujjatni bekor qilish zarur bo‘lsa; 
agar ma’muriy hujjat bilan qo‘shimcha majburiyatlar bog‘liq bo‘lsa va 
manfaatdor shaxs ushbu majburiyatlarni bajarmagan bo‘lsa; 
agar manfaatdor shaxs ma’muriy hujjat asosida o‘ziga berilgan buyumdan, 
pul mablag’laridan yoki huquqdan maqsadli foydalanmayotgan bo‘lsa; 
agar ma’muriy hujjatni bekor qilish yoki o‘zgartirish ushbu hujjat 
yuborilgan manfaatdor shaxs foydasiga amalga oshirilsa va bunda boshqa 
manfaatdor shaxslarga zarar keltirmasa. Qo’shimcha qiladigan bo’lsak ushbu 
qonunning 60-moddasida, Ma’muriy hujjatni manfaatdor shaxs foydasiga bekor 

---

qilish majlis o‘tkazmasdan amalga oshirilishi mumkinligi, ma’muriy hujjatni 
manfaatdor shaxs manfaatlariga zid ravishda bekor qilish, qonunda boshqacha 
qoida nazarda tutilmagan bo‘lsa, majlisda qayta ko‘rib chiqish orqali amalga 
oshirilishi belgilab qo’yilgan.