O’zbekiston respublikasi oliy va o‘rta maxsus

Ўқув фаннинг мақсади ва вазифалари 
Фанни ўқитишдан мақсад - талабаларни жаҳон маданияти, биринчи навбатда,
Шарқ маданияти ёдгорликлари, хусусан, Марказий Осиё халқларининг бой маданий
мероси – бетакрор обидалари, мутафаккирлар асарларида жамланган маънавий мулки,
халқимизнинг барҳаёт удум, анъана, турмуш ва фикр тарзини ифодаловчи илмий 
маълумотлар билан таништиришга қаратилган. Иккинчидан, тарихий ҳақиқатни қарор
топтириш, аждодлар меросини ўрганиш ва ўргатиш асосида, юрт истиқболи – ёш
авлодни миллий фидойилик руҳида тарбиялаш, уларда ўзликни англаш, Ватан туйғуси, она 
юрт ғурури –шарқона қадриятлар асосида миллий мафкурани шакллантириш.
Фаннинг вазифаси: 
- инсоннинг табиат, жамият билан биргаликдаги фаолиятини ҳамда кишиларнинг
маънавий турмушига ва маданиятга оид барча жараёнларни тадқиқ қилади: 
- талабаларнинг турли тарихий даврлар маданиятлари ва ижтимоий гуруҳларнинг
урф-одатлари, турмуш тарзи тўғрисидаги билимлар билан бойитади. ижтимоий турмуш
воқеликларини ягона мазмун асосида англашга ёрдам беради. Кўплаб бетакрор ва
мустақил маданиятлардан ташкил топган жаҳон цивилизациясининг бирлиги ва хилма-
хиллигини кўрсатади; 
- талабаларнинг ижодий қобилиятини ривожлантиради, уларга янги маълумотлар
бериш билан бирга, ёшларда маданият воқеликлари билан муносабатда бўлиш 
малакасини ҳосил қилади; 
- талабаларга жаҳон маданияти ва унинг таркибий қисми бўлган Ўзбекистон
маданиятининг ривожланиш тарихи, хусусиятлари, ўзаро алоқадорлиги муаммолари ва
истиқболлари тўғрисида билим, кўникма ва малакаларни шакллантириш, миллий
маданият ва ўзга миллатлар маданияти, қадриятларига ҳурмат руҳида тарбиялашда,
маданият ёдгорликларига ижобий муносабатда бўлишида, маънавий жиҳатдан 
ривожланишга кўмаклашади.
 
Фан бўйича талабаларнинг билим, кўникма ва малакасига қўйиладиган талаблар 
«Маданиятшунослик» фанини ўрганиш жарёнида амалга ошириладиган масалалар 
доирасида бакалавр:
- талаба башарият томонидан асрлар давомида яратган маданият, унинг тараққиёти
қонуниятлари ва тамойилари ҳақида, маданий жараёнларнинг такомил босқичлари ва
ҳозирги ҳолати ҳақида чуқур билим ва малакага эга бўлиши, бу билимлар орқали

---

229 
ўзининг маданий тафаккури ва дунёқарашини кенгайтириш имкониятигаэга бўлиш талаб 
этилади. 
- талаба умуминсоний ва миллий қадриятлар тўғрисида чуқур илмий-назарий билим, 
малака ва кўникмаларни эгаллаши лозим. 
- талабалардан жаҳон маданиятининг ажралмас қисми бўлган Ўзбекистон халқининг
дунё цивилизациясига қўшган улкан ҳиссасини билиши, ундан фахрланиш кўникмаси ва
туйғусини ўз онгида мужассамлаштиришлари, аждодлар меросини сақлаш, ўрганиш,
унинг тараққиётига ўз ҳиссасини қўшишлари, энг муҳими бунга муносиб ворис бўлиш 
руҳида билим, малакаларга эга бўлиш керак. 
- талаба истиқлол даври маданий тикланиш ва юксалиш жараёнига оид Президент 
Ислом Каримовнинг назарий-методологик ва амалий ғояларининг мазмун-моҳиятини, унинг 
маданий-фалсафий ҳамда илмий ифодасини чуқур англаб етиши, халқимиз томонидан
яратилган маданият дурдоналарини қадрлаш, унинг ўзига хос қадриятларини пухта
эгаллаш ва шу билим, кўникмалар орқали бегона таъсирларга муросасиз муносабатда 
бўлишликни
талаб этади.
«Маданиятшунослик» фани бўйича тизимли билимларга эга бўлиши; фан ҳақида 
умумий тушунча -тасаввур ва билимга эга бўлиши, замонавий илмий асосларда - улардан
ҳаётий ва касбий фаолиятида фойдалана олиши; маълумотларни йиғиш, сақлаш, ишлов 
бериш ва фойдаланиш усулларига эга бўлиши; касбий фаолиятида мустақил қарор қабул 
қилишни билиши зарур.