Korxonaning iqtisodiy missiyasini ishlab chiqish bosqichlarini quyidagicha izohlash

---

Korxonaning iqtisodiy missiyasini ishlab chiqish bosqichlarini quyidagicha izohlash 
mumkin. 
1–bosqichda – korxonaning tashqi va ichki tizimi bo‘yicha tadqiqotlar o‘tkazish: 
– ichki muhitning bosh tarkibiy qismlari, uni ahamiyatliligi aniqlanadi va ular 
bo‘yicha ma’lumotlar yig‘iladi; 
– korxonaning real hayoti baholanadi; 
– muhitni kelgusi holati bashorat qilinadi. 
2 – bosqichda korxona o‘z faoliyatining istalgan yo‘nalishi va harakatlarini belgilaydi, 
ya’ni korxonaning kelgusidagi obrazini tasvirlaydi. 
3 – bosqichda strategik tahlil amalga oshiriladi, ya’ni korxonaning istalgan 
ko‘rsatkichlari va tashqi hamda ichki muhim omilini o‘rganish bo‘yicha tadqiqot 
natijalari va ularning istalgan ko‘rsatkichlari ta’siri tahlil etish. 
4 – bosqichda alternativ startegiyalardan biri tanlanadi va qayta ishlanadi. 
5 – bosqichda korxona faoliyatining yakuniy strategik rejasi tayyorlanadi. 
6 – bosqichda o‘rta muddatli rejalar tayyorlanadi. 
7 – bosqichda o‘rta muddatli reja natijalari asosida bir yillik rejalar ishlab chiqiladi. 
Biznes g‘oya – insonning fikrlash faoliyati natijasi bo‘lib, tashqi stimullar va ichki 
xohish, istak, extiyoj, qiziqish qadriyatlar, ideal va emotsiyalar majmui bilan 
belgilanadi. 
Missiya – xo‘jalik subyektining uning maqsadlari, faoliyat sohasi, jamiyatdagi o‘rnining 
qisqacha tavsifi. 
– G. Ford: biz insonlarga arzon transport vositalarini etkazib beramiz. 
– Soni: taraqqiyot orqali dunyoga xizmat qilish. 
Maqsad – korxonaning istiqboldagi istalgan ko‘zda tutilgan holatidir. Missiyadagi 
farqli ravishda maqsadlar korxona faoliyatining aniq yo‘nalishini aks ettiradi. 
Shunday qilib, uzoq muddatli rejada firmaning umumiy strategiyasi aks ettiriladi, 
kelgusidagi modeli yoritiladi. Firmaning rivojlanish yagona strategiyasi sifatida struktura, 
tizim, xodimlar, qobiliyatlar birligi, umumiy qadriyatlar kabi muhim ijtimoiy iqtisodiy 
omillarning o‘zaro ta’sir mexanizmini ifodalaydi. 
Ushbu barcha omillar o‘zaro bog‘langan bo‘lib firmaning aniq reja-boshqaruv 
natijalariga kom’leks ta’sir ko‘rsatadi. Keltirilgan model strategiya rejalashtirishni 
ko‘rsatkichlarini yuzaki shakllantirish jarayoni sifatidagina emas, balki barcha toifadagi 
xodimlar o‘rtasidagi ijodiy hamkorlik va kelishuvchilik mexanizmi, ularning shaxsiy 
manfaatlarini korxona umumiy maqsadi bilan bog‘lash asosi sifatida ham bog‘lagan.

---