“Metrologiya, standartlashtirish va sertifikatlash asoslari”

metrologiya 
— o‘lchovlar, ularning yagona birlikda bo‘lishini ta‘minlash usullari va vositalari 
hamda talab qilinadigan aniqlikka erishish yullari xaqidagi fan; 
yagona o‘lchov birligi 
— o‘lchashlarning natijalari qonunlashtirilgan birliklarda aks ettirilgan va 
xatoliklari berilgan ehtimollikda ma‘lum bo‘lgan o‘lchash holati; 
o‘lchash vositasi 
— o‘lchashlar uchun foydalaniladigan va normalangan metrologik xususiyatga 
ega bo‘lgan texnika vositasi; 
birlik etaloni 
— o‘lcham birligini boshqa o‘lchash vositalariga o‘tkazish maqsadida uni qayta hosil 
qilish va saqlash uchun mo‘ljallangan o‘lchash vositasi; 
davlat etaloni 
— vakolat berilgan milliy organning qarori bilan O‘zbekistan Respublikasi hududida 
o‘lchash birliligining o‘lchami sifatida e‘tirof etilgan etalon; 
metrologiya xizmati 
— davlat organlari va yuridik shaxslarning metrologiya xizmatlari tarmog‘i 
hamda ularning o‘lchovlar yagona birlikda bo‘lishini ta‘minlashga qaratilgan faoliyati; 
davlat metrologiya nazorati 
— metrologiya qoidalariga rioya etilishini tekshirish maqsadida 
davlat metrologiya xizmati organlari amalga oshiradigan faoliyat; 
o‘lchash vositalarini tekshiruvdan o‘tkazish 
— o‘lchash vositalarining belgilab quyilgan texnik 
talablarga muvofiqligini aniqlash va tasdiqlash maqsadida davlat metrologiya xizmati organlari 
(vakolat berilgan boshqa organlar, tashkilotlar) tomonidan bajariladigan operatsiyalar majmui; 
o‘lchashlarning bajarilish uslubiyatlarini metrologik attestatsiya qilish 
— o‘lchashlarni 
bajarish uslubiyatining unga qo‘yilgan metrologiya talablariga mosligini baholash hamda tasdiqlash 
maqsadida tadqiqot o‘tkazish; 
o‘lchashlarning bajarilish uslubiyati 
— operatsiyalar va qoidalar majmui bo‘lib, ularning 
bajarilishi xatolari ma‘lum bo‘lgan o‘lchash natijalarini olishni ta‘minlaydi;