“Maktabgacha pedagogika”

16.
 
Rivojlantiruvchi yondashuv - bolaning tabiiy ravishda ulg'ayishining muhimligini 
baholash va tahlil etish imkoniyatini yaratadigan rivojlantirishga yo'naltirilgan yondashuv. 
17.
 
Istiqbol reja - u bolalar faoliyatining barcha turlarini va ularga xos kundalik ish shakllarini 
(mashg'ulot, o'yin, mehnat, individual ishlash, ota-onalar bilan ishlash) o'zida aks ettiruvchi bolalar 
bilan ishlashda asosiy hujjat hisoblanadi. 
18.
 
Kundalik reja - bir-ikki haftaga mo'ljallab tuzilib, unda butun ish kuni davomidagi faoliyat 
- konspekt shaklida batafsil yoritiladi. 
19.
 
Bola huquqlari haqida Konvensiya - bu butun jahon bolalariga xos bo'lgan bolalar huquqi 
haqidagi Birlashgan Millatlar tashkilotining shartnomasidir. U bolalar rivojlanishining turli 
bosqichlarida bolalar farovonligining mavjud mezonlarini aniqlaydi va bolalar huquqlarini himoya 
qiladi. 
20.
 
Bilish faoliyati - boladagi individual o'zgarishlar sur’atini e'tiborga olgan holda tashkil 
etiladi. Bunda didaktik harakatlarning takrorlanishi va mazmuni jihatidan yakka yutuqqa erishiladi. 
21.
 
Didakfika - pedagogikaning ta’lim va o'qitish nazariyasini ishlab chiqadigan tarmoqdir. 
Didaktika ta’lim jarayonining umumiy qonuniyatlarini o'rganuvchi qismdir. Didaktika yunoncha 
so'z bo'lib, "didasko" - o'qitish, "Didaskol” - o'rganuvchi degan so'zlardan kelib chiqqan. Didaktika 
pedagogikaning "Nimaga o'qitish”, "Nimani o'qitish" va “Qanday o'qitish” kabi savollar ga javob 
izlaydi. 
22.
 
Diagnostika (tashxislash) - pedagogikaning bo'limi, ta’lim-tarbiya jarayonlarining 
maqsadi, mazmuni, usullari, vositalari, natijalarining sifati va samaradorligini, pedagogik 
xodimlarning kasbiy tayyorgarliklari, bilim, ko'nikma, malaka va mahoratlarini, o'quvchi va 
maktabgacha yoshdagilarning bilimlarni o'zlashtirishlari va tarbiyalanganlik darajalarini har 
tomonlama o'rganish, tahlil qilish asosida xulosalar chiqarish, baholash va takomillashtirish 
yuzasidan tavsiyalar berish bilan shug'ullanadi.