Hayrat ul-Abror (I- qism) Alisher Navoiy

Hayrat ul-Abror (I- qism) 
Alisher Navoiy 
109 
http://ziyonet.uz/ 
Birin etib zoʻr ila xilvatnishin,
Birin etib kuch bila uzlatguzin.
Ahli riyozatdin atab birini,
Biriga deb voqea ta’birini.
Voqea gar xud anga yolgʻon debon,
Ul dogʻi ta’birini xazyon debon.
Xilvat aro qilgʻuchi mahram oʻzin,
Xizr bila tutquchi hamdam oʻzin.
Lattaki maxkam tugubon bang anga,
Etkurubon bang yoshil rang anga.
«Xizr payambar» qoʻyubon otini,
Voqea deb - harza xayolotini.
Yoʻqki hamin xilvati ahligʻa bas,
Shayxqa ham ushbu «Xizr» hamnafas.
Rutbada andoq anga a’lo maqom,
Kim boʻlubon charx anga adno maqom,
Qolmayin ul poyakim, ul etmayin,
Arzi karomatni pisand etmayin.
Nogah agar nagʻma chekib bir nayi,
Mast qilibon oni xolat mayi.
Nagʻmai xorijki qilib istimoʻ,
Sekribu ohang etib ul dam samoʻ.
Debsabu sayxa chekib andoqki pil,
Changaki nafs ollida xoru zalil.
Ahli irodat dogʻi bu tavr ila,
Tegrasiga evrulubon davr ila,
Harza xayolot ila xol aylabon,
Davrni fonusxayol aylabon.
Holda ashob dogʻi pirdek,

---

Hayrat ul-Abror (I- qism) 
Alisher Navoiy 
110 
http://ziyonet.uz/ 
Bemazaliqda borisi birdek.
Yova koʻp ayturda biri chirchirak,
Charx koʻp urmoqda biri firfirak.
Bu biri vajd ichra tilin lol etib,
Ul bir oʻzin volavu behol etib,
Bu tutubon koʻz uchidin oni pos,
Ul qilibon vajdini mundin qiyos.
Zarq oʻtidin har biri doʻzax kibi,
Lek burudatdin oʻlub yax kibi.
Har biri oncha urunub bemalol,
Kim yiqilib, qoʻpqali topmay majol.
"Borchagʻa maqsud bukim ahli joh,
Koʻrsalar ul shayx ila bu xonaqoh,
Shayxni sajjodai irshod uza,
Xaylni ham zikr ila avrod uza.
Faqru qanoatdin oʻlub sarbaland,
Vajd ila xolatdin oʻlub bahramand.
Borchalarin ahli yaqin sogʻinib,
Hoi ila ul vajdni chin sogʻinib,
Zohir etib shayx qoshida niyoz,
Foqalarigʻa boʻlubon chorasoz.
To bilib oxir ani sultoni mulk,
Xayli duo birla nigahboni mulk.
Arzi niyoz aylabon oʻlgʻay murid,
Poyalarin har nafas etgay mazid.
Hadya, tuxaf tortqayu mol ham,
Mustagʻalu kentu suyurgʻol ham.
Boʻlsa bular birla barumandliq,
Etgay alar nafsigʻa xursandliq.

---