Namangan davlat universiteti b. T. Ataxanov, M. B. Isabayev fuqarolik jamiyati fanidan

DIPLOMATIK KORPUS
— keng ma‘noda – muayyan mamlakatda 
akkreditatsiya qilingan diplomatik vakolatxonalarning barcha diplomatik xodimlari (oila 

---

71 
a‘zolari bilan); tor ma‘noda – faqat diplomatik vakolatxonalar boshliqlari. D.k. yuridik 
shaxs huquqiga ega bo‗lgan siyosiy uyushma, tashkilot emas.
DIPLOMATIK KURER
— tashqi ishlar vazirligidagi maxsus mansabdor shaxs. 
Diplomatik pochta vakolatxonalarga yetkazib berish vazifasini bajaradi. D.k. va u olib 
boradigan pochta daxlsizdir. D.k. ushlanishi, qamab qo‗yilishi yoki tintuv qilinishi 
mumkin emas. D.k. chet el hududidan o‗tib borayotganida mazkur mamlakat hukumati 
uning daxlsizligini ta‘minlashga majburdir. 
DIPLOMATIK MUNOSABAT
— xalqaro huquq me‘yorlariga va xalqaro 
muloqot tajribasiga ko‗ra davlatlar o‗rtasida rasmiy munosabatlarni yuritishning asosiy 
shakli. D.m. davlatlar o‗rtasida do‗stona aloqalarni rivojlantirishga, xalqaro tinchlik va 
xavfsizlikni saqlab turishga ko‗maklashishi zarur. Diplomatik munosabatlar to‗g‗risidagi 
1961-yil Vena konvensiyasiga binoan davlatlararo D.m. o‗zaro kelishuv asosida yo‗lga 
qo‗yiladi. D.m.ni o‗rnatishda odatda biron-bir davlat va uning hukumatining boshqa bir 
davlat tomonidan defakto yoxud deyure tan olinishi dastlabki qadam hisoblanadi. D.m. 
manfaatdor davlatlar vakillari bilan bevosita yoki bilvosita, uchinchi bir davlat 
diplomatik vakillari bilan muzokara yuritish natijasida o‗rnatiladi hamda davlatlar va 
hukumatlarning boshliqlari, tashqi ishlar vazirlari, maxsus vakolatli shaxslarning o‗zaro 
maktub, telegramma va xatlar ayirboshlashi tarzida rasmiylashtiriladi. Tomonlar D.m. 
o‗rnatilishi fakti haqida, diplomatik vakilliklar darajasi (elchixona yoki missiya), 
bitimning kuchga kirish sanasi, uni e‘lon qilish muddati va tartibi to‗g‗risida ham o‗zaro 
kelishib oladi.