Шошилинч педиатрия экстремал тиббиёт асослари билан

 
Алкоголизм ва наркомания
Этиология. 
Алкоголизм ва наркомания сабаблари одатда оилада яширинган бўлади. 

---

275 
Тарбиянинг нотўғрилиги, бола билан доимий қўпол бўлиш, ота-она ўз маъсулиятини 
бажара олмаслиги асосий омиллардан биридир. Бундай болаларга ўзини паст баҳолаш,
етук эмаслик, баҳиллик хосдир. Баъзан ўз тенгдошларининг тазйиқи ҳам бунга сабаб 
бўлиши мумкин.
Текшириш
1
Анамнез йиғиш пайтида наркотик модда тури, унинг миқдори, неча марта қабул 
қилиши, жисмоний ва руҳий боғланиб қолиш белгилари бор- йўқлиги, оилада 
алкоголизм ва наркомания бор -йўқлиги аниқланади.
2
Одатда алкоголизм ва наркомания антиижтимоий хулқ ва мактаб машғулотларини 
ўтказиб юбориш билан бирга кечади. 
3
Одатда болалар алкоголь ва наркотикларни қизиқонликдан эмас балки кайф олиш учун 
қабул қилади. Шу сабаб бир вақтнинг ўзида бир неча наркотикларни қабул қилади. 
Ташҳис: 
агар бир ойдан кам бўлмаган даврда алкоголь ва наркотикларни қабул қилса ва у 
ижтимоий ҳолати ҳамда ўқишига таъсир қилса ташҳис қайд қилинади. 
 
Эмоционал бузилишлар
Асаб анорексияси
Этиология. 
Асаб анорексияси турли ҳил руҳий касаликларда учрайди. Одатда 10 – 30 
ѐшдаги, оилавий аҳволи ўрта ва юқори бўлган қизларда учрайди. Кечиши турлича бўлиб
5-20 % ҳолатларда ўлим кузатилади.
Текшириш
Эрта белгилари
1
Доимий вазн йўқолишига олиб келувчи қаттий парҳез ушлаш.
2
Меъѐрий иштаҳа ва доимо фикр хаѐли овқатда бўлиш 
3
Ўзининг тана тузилиши ҳақида ѐмон фикирлаш ва семиришдан қўрқиш.
Кечки белгилари 
1
Ўзини назорат қила олмаслик. 
2
Очкўзлик ҳуружи ва ундан кейин бемор ўзида қусиш чақириш, ич сурувчи ва пешоб 
ҳайдовчи дориларни тартибсиз қўллаш, ортиқча жисмоний машғулот.
Ташҳис қўйиш учун шизофрения, депрессия, соматик касалликлар ва вазн камайишига 
олиб келувчи эндокрин касалликлари, ичак касалликларини инкор қилиш зарур.