O‘zbekiston respublikasi adliya vazirligi

VI 
BOB. 
QISHLOQ 
XO„JALIK 
KOOPERATIVLARI 
FAOLIYATINI HUQUQIY TARTIBGA SOLISH 
 
Kooperatsiyaning tushunchasi va huquqiy asoslari. Qishloq xo‗jaligi 
kooperativi (shirkat xo‗jaligi)ni tashkil etish va tugatish tartibi. Qishloq 
xo‗jaligi kooperativi (shirkat xo‗jaligi)ni boshqaruv organlari. Qishloq 
xo‗jaligi kooperativi (shirkat xo‗jaligi)ning mol-mulki. 
1-§. Kooperatsiyaning tushunchasi va huquqiy asoslari 
 
Qishloq xo‗jaligida xo‗jalik yuritishning turli tuman shakllari 
tizimida kooperatsiya muhim o‗rin tutadi. Kooperatsiya deganda mavjud 
ishlab chiqarish mulklari va moliyaviy resurslari, mustaqilligi va 
tashabbuskorligi asosida iqtisodiy faoliyatning u yoki bu soxasida umumiy 
ishlab chiqarish maqsadlariga erishish uchun ixtiyoriy birlashadigan 
korxona yoki ishlab chiqarishning tashkiliy-huquqiy shakli tushuniladi. 
Qishloq xo‗jaligida kooperatsiyaning zarurligi, eng avvalo bir butun 
ijtimoiiy ishlab chiqarishga bevosita mustaqil qo‗shila olmaydigan alohida 
dehqon, dehqon xo‗jaligi, ijarachilar va boshqalar kabi - mayda qishloq 
xo‗jalik tovar ishlab chiqaruvchilarining mavjudligiga bevosita bog‗liq. 
Ular uchun bu vazifa, xo‗jalik yuritishning ancha qulay, qo‗llaniladigan 
hammabop shakli bo‗lgan kooperatsiya orqali hal qilinishi mumkin. 
Kooperatsiya asosida mehnat kollektivlarining o‗zini-o‗zi tashkil qilish 
tamoyili yotadi, u ixtiyoriylikni, o‗z-o‗zini moliyalashtirishni o‗zini-o‗zi 
boshqarishni, tashabbuskorlik va mustaqillikni talab qiladi.
Respublikamizda kooperatsiya sohasida normativ-huquqiy baza 
shakllantirilgan. O‗zbekiston Respublikasining Fuqarolik kodeksi (69 va 
70 moddalari), O‗zbekiston Respublikasining ―Kooperatsiya to‗g‗risida‖, 
―Qishloq xo‗jaligi kooperativi (shirkat xo‗jaligi) to‗g‗risida‖gi Qonunlari 
kooperatsiyaga oid munosabatlarni tartibga soladi.