Azərbaycanda Peşə Təhsili və Təliminin (ptt) inkişafına Avropa İttifaqının dəstəyi

Maqnit bərk xəlitələr.
Onlar yaxşı maqnit və mexaniki xassələri ilə fərqlənirlər. Onlardan cihazların çoxunun aktiv 
elementləri kimi istifadə edirlər. Tərkibində 24% kobalt olan və maqnit teksturası istiqamətində 
yüksək maqnit xassələrinə malik olan xəlitədə tətbiq olunur. İstiqamətlənmiş kristallaşmaya malik 
xəlitələrdə maqnit enerji ehtiyatı böyük olduğundan, onlardan kiçik qabaritli maqnitlər hazırlanır.
Tökmə dəmir-nikel-alüminium xəlitələrindən dəqiq ölçülü çox kiçik sabit maqnit məmulatların 
alınması mümkün olmadığından bu məqsəd üçün ovuntu metallurgiyası üsullarından istifadə edilir. 
Metalkeramik maqnitlər xırdalanmış incə dispers maqnit bərk xəlitələrdən ibarət olan ovuntuların 
preslənməsi, sonra isə yüksək temperaturlarda keramika kimi bişirilməsi ilə alınır.
Metalplastik maqnitlərin alınması plastik kütlə məmulatlarının alınması kimidir, ancaq ovuntuda 
doldurucu kimi maqnit bərk xəlitələrin xırdalanmış dənəcikləri olur. Doldurucu sərt material 
olduğundan ona yüksək təzyiqlə təsir göstərmək lazımdır.
Metalovuntulu maqnitlər məmulatların kiçik ölçülərlə və mürəkkəb konfiqurasiyalarla 
avtomatlaşdırılmış kütləvi istehsalında iqtisadi cəhətdən səmərəlidir.
Metalkeramik maqnitlərdə məsamələr 3-5%-dir, maqnit xassələri zəifdir. 
5.3.2.Tələbələr üçün fəaliyyətlər 

Martensut poladların maqnit bərk materiallardan fərqini araşdırın; 

Martensut poladların tətbiq sahələri haqqında məlumat toplayın; 

Maqnit materialda yüksək koersitiv qüvvə alınması üçün nə etmək lazım olduğunu 
aydınlaşdırın; 

Müzakirə iş üsulundan istifadə edərək metalkeramik maqnitlərin alınma 
texnologiyasını araşdırın və müzakirə edin; 

Metalplastik maqnitlərin alınmasını təyin edin. 
5.3.3.Qiymətləndirmə 
Aşağıdakı qiymətləndirmə meyarına əsasən qiymətləndirəcəksiniz:
“Bərk maqnit materialların xassələrini və tətbiq sahələrini izah edir” 

Maqnit bərk materiallar maqnit yumşaq materiallardan hansı xüsusiyyətinə görə 
fərqlənir?

Maqnit materialları xarakterizə edən işçi nöqtə nədən asılıdır?

Qarışıqlı martensut poladların tərkibində hansı elementlər olur?

Maqnit bərk xəlitələrin tətbiq sahələri hansılardır? 
5.4.1.
 
Ferritlər haqqında məlumatı və tətbiq sahələrini şərh edir
