Ўзбекистон республикаси ҳисоб палатаси

Тавсия: 
а) Мол-мулкни ижарага берувчи жисмоний шахслар учун белгиланган 
ижара тўловининг энг кам ставкаларини белгилаш ваколатларини ҳар бир 
ҳудуднинг ижтимоий-иқтисодий салоҳиятидан келиб чиқиб, Қорақалпоғистон 
Республикаси Жўқорғи Кенгеси, халқ депутатлари вилоятлар ва Тошкент шаҳар 
Кенгашларига берилиши мақсадга мувофиқ. 
Бунда, ҳудудларда маҳаллий бюджетларни даромадлар манбаларини янада 
кенгайтириш, хуфиёна иқтисодиёт улушини қисқартириш мақсадида, иқтисодий 
фаол, саноатлашган, туристик ва йирик савдо нуқталари мавжуд ҳамда 
хизматлар кўрсатиш ҳажми юқори ёки аксинча паст бўлган туман(шаҳар)ларни 
салоҳиятидан келиб чиқиб, табақалаштирилган меъёрларни янада манзилли 
белгилаш имконияти яратилади. 
б) Қонун лойиҳасининг 9-иловасида келтирилган товарларнинг айрим 
турлари билан чакана савдо қилиш ҳуқуқи учун ундириладиган йиғимларнинг 
чекланган ставкаларини базавий ҳисоблаш меъёрларига асосланган ҳолда 
(масалан, алкоголли маҳсулотларни сотиш ҳуқуқи учун ундириладиган йиғим 
миқдори Тошкент шаҳри учун БҲМнинг 4,5 баравари сифатида) Солиқ 
кодексида акс эттириш мақсадга мувофиқ. 

---

18 
в) Қонун лойиҳасининг 10-иловасида келтирилган чет давлатлар 
автотранспорт воситаларининг Ўзбекистон Республикаси ҳудудига кирганлиги 
ва унинг ҳудуди орқали транзити учун белгиланаётган йиғимлар ставкалари 
ҳамда Вазирлар Маҳкамасининг 2020 йил 9 ноябрдаги “Божхона йиғимлари 
ставкаларини тасдиқлаш тўғрисида”ги 700-сонли қарори билан тасдиқланган 
божхона йиғимлари ставкаларини ягона ҳужжатда жамлаш мақсадида, Божхона 
кодексида акс эттириш юзасидан Қонун лойиҳасига тегишли ўзгартиришларни 
тавсия этилади. 
г) Юқоридагилардан келиб чиқиб, Қонун лойиҳасининг 7-моддаси 
мазмунини қайта кўриб чиқиш ва унинг 8-10 иловаларини Қонун лойиҳасидан 
чиқариб ташлаш тавсия этилади.