O’tish ballarini belgilash texnologiyalari Reja: O’tish bali mazmuni. O’tish ballarini belgilash usullari

Angoff usulida 
(amerikalik olim Angoff/William Angoff/ ismidan olingan) 
ekspertlarga oldin testni o’zlari yechib ko’rishlari taklif etiladi. Shundan so’ng: 
-
ekspertlar test topshiruvchilarni kategoriyalarga ajratish uchun tanlangan 
kategoriyalar tavsiflari bilan tanishishadi; 
-
ekspertlarga “belgilangan kategoriyalar bo’yicha minimum talabga javob 
beradigan test topshiruvchining shu test topshirig’iga to’g’ri javob berish ehtimoli 
necha foiz?” degan savol qoyiladi; 
-
ekspertlar tomonidan har bir test topshirig’i tahlil qilinadi va har bir ekspert 
yuqorida qo’yilgan savolga o’z javobini yozadi; 
-
ekspertlar qo’ygan foizlar yig’ib olinadi va bu foizlarning o’rta arifmetik 
qiymati yoki medianasi asosida reyting tuziladi, bu reyting har bir kategoriya uchun 
o’tish balini belgilaydi; 
-
ekspertlarga o’zlarining test natijalari statistik tahlili va haqiqiy test 
topshiruvchilarning natijalari statistik tahlili, shuningdek, har bir topshiriq uchun 
o’zlari oldin belgilangan to’g’ri javob berish ehtimoli foizi beriladi, bu ma’lumotlar 
ekspertlar orasida muhokama qilib olinadi; 

---

-
ekspertlar test topshiriqlarini va o’zlari oldin belgilangan foizlarni qaytadan 
tahlil etishadi hamda kerakli o’rinlarga o’zgartirish kiritishadi; 
-
ekspertlar qo’ygan foizlar yana yig’ib olinadi va bu foizlarning o’rta 
arifmetik qiymati yoki medianasi asosida har bir kategoriya uchun o’tish ballari 
belgilanadi. 
Bu jarayon test topshiruvchilar ikki (“o’tdi”, “o’tmadi”) yoki undan ortiq 
kategoriyaga bo’linadigan testlar uchun qo’llanilishi mumkin.
O’tish ballarini belgilash uchun qo’llaniladigan yana bir usul 
“Bookmark” 
(inglizcha “bookmark” – “kitob uchun xatcho’p” so’zidan olingan) deb ataladi. Bu 
usulni qo’llash uchun, birinchi navbatda, testda qo’llanilgan test topshiriqlari 
maxsus tartibda joylashtirilgan test kitobi tuziladi. Test kitobini tuzishda quyidagi 
qoidalarga rioya qilinadi: 
-
dixotom test topshiriqlari qiyinchiligi o’sib borish tartibida joylashtiriladi; 
-
politom test topshiriqlari bir necha o’rinlarda joylashtiriladi: masalan, test 
topshirig’i 0,1,2, ballar bilan baholanadigan bo’lsa, oldin test topshiruvchi bu test 
topshirig’i uchun 1 ball olishu mumkin o’lgan o’rinda keltiriladi, so’ngra shu test 
topshirig’i uchun 2 ball olishi mukin bolgan o’rinda qaytariladi. 
Shundan so’ng quyidagi jarayonlar amalga oshiriladi:
1.
Ekspertlarga test kitobi beriladi va ular har bir test topshirig’ini, bu test 
topshirig’i orqali qanday konstrukt o’lchanayotganini, bu test topshirig’i to’g’ri 
javob bergan test topshiruvchi qanday bilim va ko’nikmalarga egaligini muhokama 
qilishadi. 
2.
Har bir ekspert mustaqil ravishda test topshiriqlarini yana bir bor ko’rib 
chiqib, har bir kategoriyadagi test topshiruvchilarning ma’lum bir foizi (odatda, 67 
%) to’g’ri javob berishi kerak bo’lgan test topshiriqlari joylashgan o’rinlarni 
belgilab chiqadi. 
Demak, har ikkala ko’rib chiqilgan usulda ham ekspertlarning fikri, ularning 
tasniflanayotgan kategoriyalarga mansub test topshiruvchilarni qanday tasavvur 
etishlari muhim rol o’ynaydi.