Pedagogika 015, 4-son Muassis: Nizomiy

Arziboyev Q. O., Abdullayev A. A. (TDPU) 
 
 

---

PEDAGOGIKA
2015, 4-son
 
 
123 
BILIMNING IBTIDOSI AQL,
AQLNING IBTIDOSI ESA SABR-TOQATDIR 
Ota-ona farzandga hayot baxsh etsa, ustoz uning 
kamoloti yo‘lida o‘zining beminnat hissasini qo‘shadi. 
Zero, inson qalbi, ong-u shuurini ilm sarchashmasi ila 
oziqlantirmoqlik ustozning sharafli va mashaqqatli kasbi 
jarayonidagi eng oliy maqsadidir. Ana shu oliy maqsad 
yo‘lida tinmay mehnat qilayotgan jonkuyar inson, mehri 
daryo ustozlardan biri Mamatsoli Madirimov 1947-yil 20-
martda Xorazm viloyatining Urganch tumanidagi Do‘rman 
qishlog‘ida ziyolilar oilasida dunyoga kelgan.
1953-1964-yillarda o‘rta maktabda tahsil oldi. Mamatsoli akaning bilimga 
bo‘lgan muhabbati uni oliy ta’lim sari yetakladi. 1964-1968-yillar mobaynida 
TDPUning fizika-matematika fakultetida matematika ixtisosligi bo‘yicha 
o‘qishni davom ettirdi. So‘ngra 1968-yil 1-sentabrdan ushbu dargohning 
“Matematik tahlil” kafedrasida o‘qituvchi lavozimida o‘z faoliyatini boshladi. 
Oradan bir yil o‘tgach, bo‘lg‘usi olim harbiy xizmatga borib, vatan oldidagi 
burchini ado qilishga bel bog‘ladi. Xizmatni o‘tagach, 1970-1971-yillarda 
“Matematik tahlil” kafedrasida ilmiy-pedagogik faoliyatini davom ettirdi. 
1971-1972-o‘quv yilida M. V. Lomonosov nomidagi Moskva davlat 
universitetida ilmiy tadqiqotchi bo‘ldi. 1972-1975-yillarda ushbu universitetning 
mexanika-matematika fakulteti “Oliy geometriya va topologiya” kafedrasida 
MDU professori, zabardast topolog olim Yuriy Mixaylovich Smirnov 
rahbarligida aspiranturada o‘qidi. 1976-yilda ushbu universitetda “Topologik 
gruppa uzluksiz harakat qiladigan fazolar kategoriyasida o‘lcham va retraktlar 
nazaryasi” mavzusida dissertatsiya himoya qilib, fizika-matematika fanlari 
nomzodi ilmiy darajasiga erishdi.
Ustozga 1979-yilda dotsentlik, 2005-yilda universitet professori ilmiy 
unvonlari berildi. Ustoz o‘zining pedagogik faoliyati davomida 1ta monografiya, 
6ta o‘quv qo‘llanmasi, 8ta o‘quv-metodik qo‘llanma, 20dan ortiq ilmiy-nazariy 
va 30dan ortiq ilmiy-metodik maqolalar yozib ilmiy jurnallarda chop ettirdi.
1977-1979-yillarda matematika fakultetining dekan muovini, 1979-1987-
yillarda fizika-matematika fakulteti sirtqi bo‘lim dekani, 1987-1998-yillarda 
matematika fakulteti dekani, 1998-1999-yillarda fizika-matematika fakultetining 
dekani lavozimlarida o‘zining pedagogik faoliyatini olib bordi. Dekanlik 

---