Ўзбекистон Республикаси Президентининг Виртуал қабулхонаси “Онлайн маслаҳатчи” модули фаолиятини ташкил этиш юзасидан т а в с и я л а р

---

 
Ўзбекистон Республикаси Президентининг Виртуал қабулхонаси 
“Онлайн маслаҳатчи” модули фаолиятини ташкил этиш юзасидан
Т А В С И Я Л А Р
Мазкур тавсиялар Ўзбекистон Республикасининг “Жисмоний ва 
юридик шахсларнинг мурожаатлари тўғрисида”ги Қонунига ва Ўзбекистон 
Республикаси Президентининг 2018 йил 22 январдаги ПФ-5308-сон Фармони 
билан тасдиқланган 2017–2021 йилларда Ўзбекистон Республикасини 
ривожлантиришнинг бешта устувор йўналиши бўйича Ҳаракатлар 
стратегиясини “Фаол тадбиркорлик, инновацион ғоялар ва технологияларни 
кўллаб-қувватлаш йили”да амалга оширишга оид давлат дастурининг
26-бандига мувофиқ Ўзбекистон Республикаси Президентининг Виртуал 
қабулхонаси “Онлайн маслаҳатчи” модули фаолиятига нисбатан татбиқ 
этилади. 
1-боб. Умумий қоидалар 
1. Ўзбекистон Республикаси Президентининг Виртуал қабулхонаси 
“Онлайн маслаҳатчи” модули (бундан буён матнда Модуль деб юритилади) 
Ўзбекистон Республикаси Президентининг Виртуал қабулхонаси сайти 
(pm.gov.uz) негизида турли тармоқлар ва фаолият соҳаларининг малакали 
мутахассисларини (бундан буён матнда маслаҳатчи деб юритилади) жалб 
этган ҳолда жисмоний ва юридик шахсларнинг (бундан буён матнда 
мурожаатчилар деб юритилади) ахборот тусидаги сўрови – мурожаати 
юзасидан реал вақт режимида маслаҳат хизмати кўрсатиш мақсадида ташкил 
этилади. 
2. Модуль мурожаатчига ўз ҳуқуқлари ва қонуний манфаатларини 
амалга ошириш бўйича маслаҳатчилардан қўшимча дастурий таъминот 
юклаш ва ўрнатиш заруратисиз реал вақт режимида малакали маслаҳат олиш 
имкониятини яратади.
3. Модулда ишлаш Ўзбекистон Республикаси Президенти Виртуал 
қабулхонаси негизида реал вақт режимида маслаҳат бериш, маслаҳатчилар ва 
мурожаатчилар ўртасида ахборот айирбошлаш орқали амалга оширилади.