Набавий ҳадислар istanbul-2022 1-қисм

---

НАБАВИЙ ҲАДИСЛАР
ISTANBUL-2022
1-қисм
ةيملاسلإا مولعلل ةيلودلا ةفينح يبأ ماملإا ةميداكأ

---

---

3
ةيملاسلإا مولعلل ةيلودلا ةفينح يبأ ماملإا ةيميداكأ
Оламлар Парвардигори Aллоҳга ҳамд-у санолар, пайғамбарларнинг 
сўнггиси Муҳаммад саллаллоҳу алайҳи ва салламга саловот-у дуруд-
лар бўлсин!
Расулуллоҳ саллаллоҳу алайҳи ва салламнинг суннатлари буюк 
Ислом динимизнинг Қуръони каримдан кейинги иккинчи манбаидир. 
Суннат Қуръони каримнинг амалий татбиқидир. Суннат ёрдамида Aл-
лоҳ таолонинг буйруқларини атрофлича тафсилоти билан ўрганамиз. 
Суннат бизни Aллоҳ таолонинг энг суюкли бандаси — ҳабибимиз Расу-
луллоҳ саллаллоҳу алайҳи ва салламнинг ҳаётлари қандай ўтгани би-
лан таништиради.
Қўлингизга ушбу ҳадис фанининг қўлланмасини тақдим этар экан-
миз, ундаги ҳадислардан ўзингизга муносиб маълумот ва ўрнаклар 
оласиз, деган умиддамиз. 
Бу қўлланма сизга Расулуллоҳ саллаллоҳу алайҳи ва салламнинг 
бир қанча одоб-ахлоқларини ўргатади. Ростгўйлик, сабр-бардош, ҳам-
жиҳатлик, ўзини қўйиб ўзгага илиниш, сир сақлаш, очиқ юзли бўлиш, 
яхши ишларда ўнг қўлни ишлатиш, меҳмондўстлик, юмшоқлик, тилни 
сақлаш шулар жумласидандир. Шунингдек, ҳусни хулқнинг фазл-у са-
воби ҳамда унинг шахсга ва жамиятга бўладиган самаралари ҳақида 
ҳам ўрганасиз. 
Китоб сўнгида эса атроф-муҳитни муҳофаза қилиш ва унинг аҳа-
мияти ҳақида сўз боради. 
Пайғамбаримиз саллаллоҳу алайҳи ва салламнинг йўлларига эрга-
шиш учун ёрдамчи бўладиган энг яхши васила ҳадисларини яхшилаб 
ўқиб-ўрганишдир. Бу эса сизнинг Расулуллоҳ саллаллоҳу алайҳи ва 
салламни яхши кўришингизга амалий далилдир.
Ушбу китобни ҳозирлашда ўқувчининг ёши, имкониятлари, қоби-
лиятига мос келадиган янгича таълим усулларига, ҳадис фанининг 
пойдевори саналган илмий асослар уйғун бўлишига эътибор қарат-
дик.