Asosiy qoidalar

418-modda. Jinoyat ishining muhokamasini keyinga qoldirish
Oldingi
 tahrirga qarang.
Sud majlisiga chaqirilgan shaxslardan birortasining kelmay qolganligi oqibatida yoki yangi
dalillar talab qilib olish zarur bo‘lganligi munosabati bilan yoxud sud majlisini olib borishning texnik
vositalaridan, shu jumladan videokonferensaloqa tizimlaridan foydalanishda texnik nosozliklar
yuzaga kelganligi tufayli jinoyat ishini muhokama qilish mumkin bo‘lmasa, sud ishni muhokama
qilishni keyinga qoldiradi va sud majlisiga kelmagan shaxslarni chaqirish yoki yangi dalillarni talab
qilib olish yoxud texnik nosozliklarni bartaraf etish choralarini ko‘radi.
(418-moddaning matni O‘zbekiston Respublikasining 2018-yil 18-apreldagi O‘RQ-476-sonli 
Qonuni
tahririda — Qonun hujjatlari ma’lumotlari milliy bazasi, 19.04.2018-y., 03/18/476/1087-son)
Oldingi
 tahrirga qarang.
(419-modda O‘zbekiston Respublikasining 2017-yil 29-martdagi O‘RQ-421-sonli 
Qonuniga 
asosan o‘z
kuchini yo‘qotgan — O‘R QHT, 2017-y., 13-son, 194-modda)
420-modda. Jinoyat ishini ko‘rishni to‘xtatish
Oldingi
 tahrirga qarang.
Sudlanuvchi yashiringan bo‘lsa, shuningdek sudga kelishga imkoniyat bermaydigan ruhiy
holati buzilgan yoki boshqa og‘ir kasallikka chalingan taqdirda, sud mazkur sudlanuvchiga
nisbatan ishni to‘xtatadi va boshqa sudlanuvchilarga nisbatan ishni muhokama qilishni davom
ettiraveradi. Agar sud ushbu Kodeksning 
416 
va 
417-moddalarida 
nazarda tutilgan tartibda
prokurorga qo‘shimcha protsessual harakatlarni amalga oshirishni topshirish haqida ajrim
chiqarsa, shuningdek ishni alohida-alohida muhokama qilish haqiqatni aniqlashni qiyinlashtirgan
taqdirda, ishni yuritish butunlay to‘xtatiladi. Yashiringan sudlanuvchini qidiruv sud ajrimi bilan e’lon
qilinadi.
(420-moddaning birinchi qismi O‘zbekiston Respublikasining 2019-yil 12-sentabrdagi O‘RQ-567-sonli
Qonuni 
tahririda — Qonun hujjatlari ma’lumotlari milliy bazasi, 13.09.2019-y., 03/19/567/3737-son)
Sudlanuvchining og‘ir kasal bo‘lganligi tufayli ishni ko‘rish to‘xtatilgan taqdirda sud unga
nisbatan tanlangan ehtiyot chorasini bekor qilish yoki o‘zgartirish masalasini muhokama qilishi
lozim.
Oldingi
 tahrirga qarang.
Sud jinoyat ishini ko‘rishni to‘xtatish to‘g‘risida ajrim chiqaradi.
(420-modda O‘zbekiston Respublikasining 2003-yil 12-dekabrdagi 568-II-son 
Qonuniga 
muvofiq
uchinchi qism bilan to‘ldirilgan — Oliy Majlis Axborotnomasi, 2004-y., 1-2-son, 18-modda)
Oldingi
 tahrirga qarang.