Клиник анатомия (оператив хирургия ва топографик анатомия)

2. Ўқув модулининг мақсади ва вазифалари 
2.1. 
Модулнинг мақсади
: Клиник анатомия (оператив хирургия ва 
топографик анатомия) ёш мутахассисларни тайёрлашнинг ажралмас 
фундаментал қисми ҳисобланади, ўқувчиларда клиник фикрлашнинг 
топографоанатомик негизларини, асосий жарроҳлик усулларини бажариш 
кўникмаларини шакллантиради, келгусида клиник модулларда самарали 
ўқиш учун замин яратади. Модулнинг мақсади ўқувчиларда одам организми 
аъзо ва тизимлари ҳақида назарий ва амалий билимларни шакллантириш, 
оддий оператив кўникмалар ва типик жарроҳлик усулларини кўникмаларини 
ўргатиш, узоқ келажакда талаб ва стандартларда белгиланган умумий 
амалиёт шифокори фаолиятини мустақил бажариш учун зарур бўлган 

---

4 
умуммаданий, умумкасбий, касбий компетенцияларни ҳосил қилишдан 
иборат. 
2.2. 
Модулнинг вазифалари
:
– клиник анатомия (оператив хирургия ва топографик анатомия) модулига 
оид асосий, фундаментал билимлар тизимини шакллантириш; 
– даволаш иши бўйича мутахассис учун энг муҳим ҳисобланган одам танаси 
соҳаларининг, аъзо ва тизимларининг топографик-анатомик (ёшга, жинсга 
оид индивидуал) хусусиятларини ўргатиш; 
– талабаларда ташхисни асослаш, патологик жараёнларнинг кечиш 
хусусиятларини тушуниш, ташхислаш ва оператив даволаш масалалари 
ечимини топишда топографик-анатомик билимларини қўллай олиш 
маҳоратини шакллантириш; 
– талабаларнинг бошланғич (оддий) оператив ҳаракатларни, анъанавий 
(намунали) ва замонавий жарроҳлик усулларининг техникасини бажара олиш 
кўникмаларига эга бўлишини таъминлаш. 
модулни ўзлаштириш жараёнида қуйидаги меҳнат функциялари 
шаклланади: 
1. Ташхисни аниқлаш борасида беморни текшириш. 
2. Шошилинч ва тезкор тартибда беморга тиббий ёрдам кўрсатиш. 
3. Даволаш усулини танлаш ва унинг самарадорлигини ҳамда хавфсизлигини 
назорат қилиш.