Янги тарих

ЭНГ ЯНГИ ТАРИХ
 
II қисм 
1-мавзу. «Совуқ уруш» 
«Совуқ уруш» бошланишининг сабаблари. 
1945 йил 17 июль – 2 август 
кунлари Берлин конференцияси бўлиб ўтди. Унда АқШ номидан апрель 
ойида вафот этган Франклин Рузвельт ўрнига Гарри Трумэн, Буюк Британия 
номидан – Уинстон Черчилль иштирок этди. Бироқ конференция жараѐнида 
кутилмаган воқеа юз берди. Урушдан кейинги биринчи парламент сайловида 
Черчилль бошчилигидаги консерваторлар мағлубиятга учрадилар. Биринчи 
марта энг кўп ўринларни лейбористлар қўлга киритдилар. Уларнинг лидери 
Клемент Эттли хукумат бошлиғи этиб тайинланди ва конференцияга 
ўтаѐтган Постдамга ташриф буюрди.
Конференцияда 
Германиянинг 
давлат 
чегаралари 
узил-кесил 
белгиланди. Шарқий Пруссия Польша ва СССР фойдасига ажратилди, 
Польша билан чегара ғарбга, Одер-Нейсе дарѐлари чизиғига кўчирилди. 
Германия 1938 йилдан бошлаб босиб олган худудлар қайтарилиши лозим 
эди. Конференция бу худудлардан немисларни – жами 9 млн. кишини 
кўчиришга рухсат берди. Германия тўлайдиган репарацияларнинг умумий 
миқдори 20 миллиард доллар қилиб белгиланди. Шунинг 50% ни СССР 
олиши керак эди. Германияда молиявий қийинчиликлар туғдирмаслик учун 
репарацияларни саноат ускуналарини олиб чиқиб кетиш хисобига ундиришга 
қарор қилинди.
1947 йил 5 июнда АқШ давлат котиби Жорж Маршалл Европа 
демократияларини мустахкамлаш учун уларга шошилинч молиявий ва 
иқтисодий ѐрдам кўрсатиш лозимлигини маълум қилди. СССР бу режани 
Европани иқтисодий қарам қилишга уриниш сифатида бахолади ва Шарқий 
Европа мамлакатларига улар бу режани амалга оширишда иштирок этишдан 
бош тортиши учун таъсир кўрсатди. 1948 йил апрелда 16 ғарб мамлакати 
Маршалл режасини имзолади. Режага биноан улар 4 йил мобайнида 17 
миллиард доллар ѐрдам олиши лозим эди. Бунда америкаликлар ѐрдам 

---

58 
кўрсатишнинг дастлабки шарти сифатида хукуматлар таркибидан 
коммунистларни чиқаришни талаб қилдилар. 1948 йилга келиб ғарбий 
Европанинг бирон-бир хукуматида биронта хам коммунист қолмади. Собиқ 
иттифоқчилар ўртасидаги зиддиятлар Европанинг парчаланишига сабаб 
бўлди.
Берлиннинг қамал қилиниши ғарб мамлакатлари харбий қудратини 
мустахкамлаш зарурлигини намойиш этди. 1949 йил 4 апрелда Европанинг 
10 мамлакати (Бельгия, Буюк Британия, Дания, Исландия, Италия, 
Люксембург, Нидерландия, Норвегия, Португалия, Франция), АқШ ва Канада 
Шимолий Атлантика шартномасига имзо чекди. Унда томонлар БМТ Устави 
доирасида харакат қилиб, рақибдан биргаликда мудофааланишга ахд 
қилдилар ва бу мақсадни амалга ошириш учун Шимолий Атлантика 
шартномаси ташкилоти (НАТО)ни ташкил этдилар. Ушбу шартномага 
биноан Дуайт Эйзенхауэр қўмондонлигида бирлаштирилган қуролли кучлар 
ташкил этилди. 
Ўз навбатида Шарқий Европа мамлакатлари хам ўз иттифоқини 
мустахкамлашда давом этдилар. 1949 йил 25 январда Болгария, Венгрия, 
Польша, Руминия, СССР ва Чехословакия Европанинг парчаланиши 
муносабати билан иқтисодий муаммоларни биргаликда хал қилиш учун 
Иқтисодий ѐрдам кенгаши тузишини эълон қилди. Февралда Кенгашга 
Албания, кейинроқ - ГДР қўшилди. 1955 йилда бу мамлакатлар ўз харбий-
сиѐсий иттифоқи – Варшава Шартномаси Ташкилотини тузди.
1949 йил Германия парчаланган йил бўлди. Пул ислохоти амалга 
оширилгач, ғарбий зоналарда шу уч зона негизида ташкил топиши лозим 
бўлган давлатнинг конституцияси устида иш бошланди. 1949 йил майда 
Германия Федератив Республикаси (ГФР) ташкил топди. Октябрда 
оккупациянинг шарқий зонасида Германия Демократик Республикаси (ГДР) 
ташкил топди.
ГДР билан бир вақтда Хитой Халқ Республикаси (ХХР) эълон қилинди 
– Гоминьдан хукумати билан урушда коммунистлар ғалаба қозонди. 
Жахоннинг энг кўп ахоли яшайдиган мамлакати коммунистлар хукми остига 
ўтиши АқШни саросимага солиб қўйди.
1950 йилда АқШ Корея яриморолидаги можарога аралашиб, ўз 
қуролли кучларидан биринчи марта фойдаланишга мажбур бўлди. Урушдан 
кейин Кореяни шимолдан СССР, жанубдан – АқШ босиб олди. Германиядаги 
каби, иккита хукумат ташкил этилди. Совет-Америка муносабатларида 
кескинлик кучайишига қараб, бу хукуматлар ўртасидаги рақобат кучайиб 
борди. 1949 йилга келиб бу мамлакатларнинг қўшинлари Кореядан олиб 
чиқиб кетилди, унинг иккала қисмида хам сайлов ўтказилди. 1950 йил 25 
июнда Шимолий Корея қўшинлари 38 параллелдан ўтувчи демаркация 
чизиғидан ўтиб, шитоб билан жанубга харакатлана бошлади. АқШ Шимолий 
Корея харакатлари агрессия деб топилиши ва БМТ Жанубий Кореяга ѐрдам 
бериш хақида қарор қабул қилишига эришди. БМТ байроғи остида Корея 
яриморолига бир неча давлатларнинг қўшинлари ташланди, бироқ уларнинг 

---

59 
аксариятини америкаликлар ташкил этарди. Корея уруши бошланди ва у 
тарафларнинг навбатма-навбат муваффақияти билан 1953 йилгача давом 
этди.
Шу тариқа СССР ва АқШнинг дунѐ миқѐсидаги рақобати юзага келди. 
У қарийб 45 йил – 1947 йилдан 1991 йил декабргача, СССР парчалангунга 
қадар давом этди. Бу давр мобайнида СССР ва АқШ ўртасидаги рақобат 
урушга айланмади. Шу сабабли бу давр «совуқ уруш» деб номланди: иккала 
томон «қайноқ уруш»га тайѐргарлик кўрди, бир-бирига душман деб қаради, 
жахоннинг барча минтақаларида ва қуролнинг барча турларида рақобат 
қилди, уларни жуда кўп миқдорда жамлади, бироқ бирор марта хам бу 
қуролларни бир-бирига қарши қўлламади.
«Совуқ уруш» бутун Ер куррасини қамраб олди. У жахонни икки 
қисмга, икки харбий сиѐсий ва иқтисодий гурухга, икки ижтимоий-сиѐсий 
тизимга ажратди. Дунѐ икки қутбли, «биполяр» кўриниш касб этди. Дунѐ 
миқѐсидаги бу рақобатнинг ўзига хос мантиқи юзага келди: ким биз билан 
бирга бўлмаса, у бизга қарши. Дунѐдаги барча воқеаларга шу рақобат нуқтаи 
назаридан қарала бошланди.