Favqulodda vaziyatlarni bartaraf qilish hamda tizimni takomillashtirish

 
FOYDALANILGAN ADABIYOTLAR: 
1. O‘zbekiston Respublikasining 2013-yil 10-apreldagi “Yo‘l harakati 
xavfsizligi to‘g‘risidagi O‘zbekiston Respublikasi Qonuniga o‘zgartish va 
qo‘shimchalar kiritish haqida” gi Qonuni 2013-y.15-son 
2. N.Allayarov Transport vositalaridan foydalanish xavfsizligini 
ta’minlashda ma’muriy amaliyot: O‘quv qo‘llanma . IIV Akademiyasi 2014-y.
 
 
* * * 
 
YANGI AVLOD YONG‘IN O‘CHIRISH TEXNIKALARINI ISHLAB 
CHIQARISHDA MAHALLIYLASHTIRISHNI TAKOMILLASHTIRISH 
(“SAMAVTO” VA “JV MAN AUTO – UZBEKISTAN” 
AVTOKORXONALARI MISOLIDA) 
O‘qituvchi leytenant E.V.Abdullayev, 5-kurs kursanti I.U.Bobomurotov 
(O‘zbekiston Respublikasi FVV Akademiyasi)
A.O.Abdurahimov (Toshkent shahar “Uz Auto MotorsPT”) 
 
amlakatimizda amalga oshirilayotgan keng ko‘lamli islohotlar 
natijasida barcha sohalarda zamonaviy axborot-kommunikatsiya 
texnologiyalari, o‘qitishning innovatsion usullari bosqichma-
bosqich joriy qilinayotganligi makroiqtisodiy barqarorlikni,
iqtisodiyotning yuqori sur’atlar bilan o‘sishini ta’minladi hamda kichik biznes va
xususiy tadbirkorlik, kasanachilik va fermerlik harakatini rivojlantirish uchun 
keng imkoniyatlar va qulay sharoitlar yaratildi. Buning natijasida yurtimizda 
demokratik davlat barpo etish va kuchli fuqarolik jamiyatini shakllantirish, 
mamlakatimizni modernizatsiya qilish hamda hayotning barcha sohalarini 
liberallashtirish bo‘yicha salmoqli ishlar amalga oshirildi, bir so‘z bilan aytganda 
islohotlarda yangi bosqichga qadam qo‘yilganligi, shuningdek yurtimizning 
barcha jabhalarida mutlaqo yangicha tizimlar yaratilayotganligi bugun hech 
birimizga sir emas. Shuningdek, jamiyatda barqarorlik, tinchlik va osoyishtalikni 
qaror toptirish, inson huquq va erkinliklariga so‘zsiz rioya etilishini ta’minlash 
mamlakatni ijtimoiy-iqtisodiy jihatdan yanada rivojlantirish, aholi farovonligini 
yuksaltirish, huquqiy demokratik davlat qurish bo‘yicha amalga oshirilayotgan 
keng ko‘lamli islohotlardan ko‘zlangan maqsadlarga erishishning muhim sharti 
M 

---

52 
hisoblanadi. Hududlarda zamonaviy yuqori qavatli binolar, yuqori texnologik
sanoat tarmoqlari korxonalarining qurilishi, yangi texnologik jarayonlar va 
qurilmalarning joriy etilishi favqulodda vaziyatlar boshqaruv organlari va
tuzilmalari shaxsiy tarkibidan aholi va hududlarni favqulodda vaziyatlardan 
himoya qilish va yong‘in xavfsizligini ta’minlashda zamon talablariga mos 
ravishda yangicha yondashuvni talab etmoqda.
Favqulodda vaziyatlarning oldini olish, ularni profilaktika qilish va bartaraf 
etish borasidagi ishlarning samaradorligini ta’minlash uchun favqulodda 
vaziyatlar 
tuzilmalari 
faoliyatida 
zamonaviy 
axborot-kommunikatsiya 
texnologiyalarini tadbiq etish, yangi avlod yong‘in o‘chirish va qutqaruv 
texnikalarini yaratish, bu borada ilmiy va ilmiy-tadqiqot ishlarini takomillashtirish, 
doimiy jangovar tayyorgarlik va uyushqoqlikni ta’minlash asosiy vazifalardan biri 
bo‘lib qolmoqda. Bu borada yurtimizda avtomobil ishlab chiqarish korxonalarining 
o‘rni beqiyos va bugungi kunda zavodning mutaxassis konstruktorlari tomonidan 
taklif qilinayotgan ishlanmalar asosida yurtimizning geografik joylashuvi, iqlimi, 
talab va ehtiyojlarini inobatga olgan holda, ishlab chiqarish texnologiyalarini 
yaratish bo‘yicha juda yuqori cho‘qqilarni zab etib ulgurgan davlatlar texnikalarini 
yurtimizda ishlab chiqarish texnologiyalariga mahalliylashtirish yuzasidan keng 
qamrovli ishlar olib borilmoqda va ular o‘z samarasini bermoqda. Bularning 
yaqqol isboti tariqasida yurtimiz hududida joylashgan “SAMAVTO” va “Jv Man 
Auto – Uzbekistan” qo‘shma korxonalarida amalga oshirilayotgan ishlarni keltirib 
o‘tishimiz kifoya.