1-mavzu: Birjalarning iqtisodiy mohiyati

Валюта арбитражи
– айни пайтда турли мамлакатларда мавжуд бўлган 
битта валютанинг курслари ўртасидаги фарқ ҳисобига фойдаланиш олиш 
мақсадидаги битимдир. Оддий ва мураккаб валюта арбитражи фарқланади. 
Оддий валюта арбитражида арбитражчи икки мамлакат валюта бозорида қайд 
қилинган фарқдан фойдаланади. Масалан, агар АҚШ долларининг курси Нью-
Йоркда 140,5 япон иенасига, Парижда - 140,75 иенана тенг бўлса, япон 
арбитражчисининг 1 млн. долларни Нью-Йоркда 140,5 млн. иенга сотиб 
олиши ва бир вақтнинг ўзида уни Парижда 140,75 млн. иенага сотиши кўпроқ 
фойда келтиради. Олинган фойда 25 минг иенани ташкил қилади. Мураккаб 
валюта арбитражида операциялар турли валюта бозорларида бир нечта 
валюталар билан амалга оширилади. 
Валюта арбитражини амалга оширишда арбитражчида барча ҳалқаро 
молиявий марказлар билан ривожланган коммуникация тизимининг, энг 
мураккаб операциялардан ҳам кутлаётган натижаларни тезкор ҳисоб-китоб 
қилишга имкон берадиган мураккаб ҳисоблаш техникаси мавжудлиги кўзда 
тутилади. 
Валюта арбитражи алоҳида миллий бозорларда валюта курсларининг бир 
хид бўлишига олиб келади. Молиявий коммуникация тизимлари 
ривожланишининг ҳозирги даражасида валюталар курси ўртасидаги фарқ 
юздан бир фаоиздан ортмайди. 
Алоҳида бир арбитраж битими бўйича фойда фоизининг кичиклиги 
бундай битимлар сонининг кўплиги ва капитал айланмаси тезлигининг 
юқорилиги ҳисобига қопланади. 
Валюта операцияларига қараб, қуйидаги валюта курслари фарқланади:
• 
нақд (касса) битимларида - «спот» курси;
• 
муддатли битимларда - «форвард» курси. 
Касса битимларидан фойдаланиладиган курс касса курси деб аталади. 
«Спот» курси - икки бизнес-кун ичида битимни тартибга солиш учун жорий 

---

валюта курси (форвард курсига қарши). Унинг котировкалари ҳақидаги 
ахборот банк экранлари ва газеталарда кўрсатилади. 
«Форвард» курси – у бўйича хорижий валюта шартномаси келажакда 
белгиланган кунда якуний тартибга солиш учун бугунги кунда амалга 
ошириладиган курсдир. Форвард курси «спот» курсдан валюта курслари 
динамикаси истиқболлари қандай баҳоланишига қараб мукофот ёки чегирма 
(дисконт) ҳажмига фарқ қилади. 
1970-йилларгача валюта курсларини аниқлаш учун расмий асос бўлиб 
валюталар таркибидаги қатъий белгилаб қўйилган олтин миқдори хизмат 
қилган. Ҳозирги пайтда валюта (олтин) паритети – пул бирликларининг 
металл таркиби бўйича нисбати – реал иқтисодий аҳамиятини йўқотган. 
Қатъий белгилаб қўйилган валюта курслари ўрнига ҳалқаро валюта-молия 
тизимига «ўзгарувчан» валюта курслари келди, улар валюта бозорларида 
талаб ва таклифнинг ўзгариши таъсири остида сезиларли тебранишларга олиб 
келиши мумкин.