"iqtisodiyot va menejment "

9.3.
 
Strategik reja va uni amalga oshirish. 
Ishlab chiqarishni strategik boshqarish shakllarini ifodalashdan oldin 
boshqarishning iqtisodiy strategiyasini, ishlab chiqarishni strategik va qisqa muddatli 
boshqaruvidan farqlovchi xususiyatlarini aniqlash lozim.
Firmaning o’ziga xos xususiyatlari, ichki va tashqi muhitini hisobga olgan holda 
ishlab chiqarishni boshqarish strategiyasi uch shaklda bo’lishi mumkin:
1.
ekstropolyasiya tendensiyasi asosida boshqarish;
2.
o’zgarishlarni oldindan ko’rish asosida boshqarish;

---

242 
3.
kutilmagan strategik holatlar sharoitida qabul qilinadigan tezkor mustahkam, 
moslashuvchan qarorlarni qabul qilish asosida boshqarish.
O’zgarishlarni oldindan ko’rish asosida boshqarish - bu mavjud sharoitlardan 
kelib chiqib emas, balki kelajakda bo’lishi mumkin bo’lgan sharoitga qarab 
boshqarish. Shuning uchun uning asosiy muammosi bo’lib o’zgarishlarni oldindan 
ko’rib, va buning asosida firmaning uzoq muddatga barqarorligini ta`minlash. 
Strategiya murakkab va katta mehnat talab qiladigan ish, agar u kelgusida 
muvaffaqiyatli amalga oshirilsagina ma`no kasb etadi. Strategiyani amalga oshirish 
jarayonini nazorat qilish va qo`yilgan maqsadlarga erishishga ishonch hosil qilish 
uchun korxona rahbari rejalar, dasturlar, loyihalar va byudjetlarni ishlab chiqishi 
zarur. 
Korxona strategiyasi korxonaning o`zidagi holatdan kelib chiqib belgilanadi va 
korxonadagi mavjud bo`limlar faoliyatida namoyon bo`ladi.
Korxona darajasidagi strategiya:
Marketing bo`limi

Bozorning qaysi bir segmentiga e`tiborni kuchaytirish lozim? 

Nima uchun aynan shu korxona tovarlari sotib olinishi kerak? 

Assortiment va sifat qanday bo`lmog’i lozim? 

Tovarni relama qilishdan boshlab to sotishgacha bo`lgan bosqichlarda 
sarflanadigan mablag’larni qanday taqsimlash kerak? 

Baho siyosati qanday bo`lmog’i lozim? 

Bozor salmog’i mintaqalar bo`yicha qanday bo`lishi kerak?