Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллий

2.1. “Тақдимот” методи ўрганиладиган мавзу моҳиятини компьютер 
хизматидан фойдаланилган ҳолда слайдлар мажмуаси ёрдамида очиб 
берилишини таъминлайди. Методни қўллашда мавзунинг асосий ғоялари, 
таянч тушунчалари, муҳим хусусиятлари кичик матн, жадвал, тасвир, схема, 
расм ва диаграммалар асосида ёритилади. Ушбу метод талабаларда мавзу 
мазмунини образли, яхлит тарзда ўзлаштириш кўникмаларини 
шакллантиради.
II БОБ. ДАРС ЖАРАЁНИДА ИНТЕРФАОЛ ТАЪЛИМ
МЕТОДЛАРИДАН ФОЙДАЛАНИШ УСЛУБЛАРИ
 

---

32 
2.2. “Савол-жавоб” методи мавзунинг талабалар томонидан қандай 
ўзлаштирилганлик даражасини аниқлаш учун хизмат қилади. Бунда ўқитувчи 
моҳияти ёритилган мавзу юзасидан саволлар тайёрлайди ва уларни 
талабаларнинг эътиборларига ҳавола этади. Талабалар берилган саволларга 
жавоб қайтариш орқали мавзуни ўзлаштирганлик даражасини намойиш 
этадилар. Методни қўллашнинг самарадорлиги савол-жавобларнинг аниқ, 
қисқа ва тушунарли тарзда ифода этилиши, айнан мавзуга доир бўлишига 
боғлиқ. 
2.3. “Менга сўз беринг” методи талабаларда ўрганилаётган мавзу, 
муҳокама қилинаётган масала ёки тадқиқ этилаётган муаммо бўйича шахсий 
фикр-мулоҳазаларини билдириш, фикрларини далиллар билан исботлаш, 
уларни ҳимоя қилиш, мантиқий хулосаларни илгари суриш кўникмаларини 
шакллантиришга хизмат қилади. Метод ўқитувчи ва талабалар ўртасидаги 
таълимий ҳамкорликни қарор топширишга ёрдам беради. Машғулот 
жараёнида ушбу методни қўллашда талабалар дарснинг ташкилий жиҳатлари, 
самарадорлиги хусусида ўз фикрларини баён қилиш имкониятига эга 
бўладилар.
2.4. “Рақамлар” методи ёрдамида бир вақтнинг ўзида кўп сонли (20, 
30, 40 ва ҳ.з.) талабаларни муайян фаолиятга жалб этиш орқали маълум 
топшириқ ёки масалани ҳал этиш, шунингдек, гуруҳларнинг ҳар бир аъзоси 
имкониятларини аниқлаш, уларнинг қарашларини билиб олиш мумкин. 
Ушбу метод асосида ташкил этилаётган машғулотда ҳар бирида 4, 5 ёки 6 
нафардан иштирокчи бўлган 4, 5 ҳамда 6 та гуруҳ ўқитувчи томонидан ўртага 
ташланган муаммо (масала)ни муҳокама қилади. Белгиланган вақт ниҳоясига 
етгач, ўқитувчи гуруҳларни қайта тузади. Қайтадан шаклланган 
гуруҳларнинг ҳар бирида аввалги гуруҳлардан биттадан вакил бўлади. Янги 
шаклланган гуруҳ аъзолари ўз жамоадошларига аввалги гуруҳи томонидан 
муаммо (масала) ечими сифатида тақдим этилган хулосани баён этиб 
берадилар ва мазкур ечимларни биргаликда муҳокама қиладилар.

---

33