1-мавзу: «иионинг жамо¬ат тартибини саќлаш ва жамоат хавфсизлигини таъмин¬лаш фаолияти¬ни бош¬ќариш» ўќув курси¬нинг пред¬мети, вазифаси ва тузилиши

Ушланган ва қамоққа олинганларни йўловчи поездларда 
ҳамда пиёда конвой қилиш тартиблари. 
Ушланган ва қамоққа 
олинганларни йўловчи поездларда конвой қилишда конвой ходим-
лари пистолет билан қуролланадилар. 
Конвой қилинаётган шахслар имконият даражасида алоҳида 
купеларга жойлаштирилади. Уларни ҳожатхонага чиқариш пайтида 
вагон танбурида қўриқлаш пости ташкил қилинади. Вагоннинг но-
созлиги ва уни асосий эшелондан ажратиб қолиш ҳоллари юзага кел-
ганда, конвой сардори зудлик билан поезд бошлиғи, бош назоратчи, 
станция бошлиғидан конвой қилинаётганларни ва конвой ходим-
ларини бошқа вагонга кўчиришни талаб қилади. 
Ушланган ва қамоққа олинганларни пиёда конвой қилиш жараёни-
да конвой қилинаётган шахсларнинг сони ва йўл кенглигига қараб, 
улар 2-4 қатордан сафланади. 
Конвой ходимлари конвой қилиш жараёнида қуйидаги тартибда 
жойлашади: 
– ички ишлар органи ходими икки нафар бўлса, улардан бири 
(конвой ходими) конвой қилинаётганлардан 1-1,5 метрлар оралиқда 
чапдан ва бироз орқадан, иккинчиси (конвой сардори) – ўнг томондан 
худди шу оралиқда, орқадан боради; 

---

207 
– уч нафар конвой ходими – икки нафар конвой ходими конвой 
қилинаётганларнинг икки томонидан, конвой сардори гуруҳнинг орқа 
томонидан; 
– тўрт ва ундан ортиқ конвой ходимлари бўлганда – бир конвой 
ходими конвой қилинаётганларнинг олд томонидан, икки нафари 
сафнинг икки томонидан, конвой бошлиғи (сардори) эса конвой қили-
наётганлардан икки қадам орқада боради. Конвой сардори вазиятдан 
келиб чиққан ҳолда, конвой ходимлари ва конвой қилинаётган шахс-
ларнинг оралиқ масофаларини кенгайтириши ёки қисқартириши мумкин. 
Ички ишлар органи ходими ўзининг хизмат ити билан (агар 
конвой тадбирларини амалга ошириш учун ажратилган бўлса) конвой 
қилинаётган шахсларнинг ўнг (чап) томонидан ёки орқасидан, хизмат 
итининг уларга жуда ҳам яқинлашишига йўл қўймаган ҳолда кузатиб 
боради. 
Конвой йўналишининг хусусиятини, об-ҳаво шароитини инобатга 
олган ҳолда конвой қилинаётганларнинг кундалик босиб ўтиш масофаси 
25–30 км.
дан ошмаслиги керак. Ҳаво ҳарорати 
30°С
бўлганда, тошқин, 
қор кўчишлари ва бошқа ноқулай шароитларда конвой тадбирлари 
яқин атрофдаги аҳоли яшаш жойида тўхтатилади. 
Узоқ муддатли пиёда конвой тадбирлари амалга оширилганда, 
конвой йўналишида қисқа ва узоқ муддатли дам олиш, шунингдек, 
тунаб қолиш жойлари ташкил қилинади. 
10-15 дақиқалик дам олиш ҳар бир соат оралиғида, бир ярим-
икки соатлик узоқ муддатли дам олиш белгиланган кундалик масофа-
нинг ярми босиб ўтилганидан сўнг ташкил этилади. 
Қисқа муддатли дам олиш очиқ жойларда ташкил этилади. 
Ўрмонзорда, жарликларда, вайронага айланган бино ва шунга ўхшаш 
жойларда дам олиш тақиқланади. Конвой қилинаётган шахсларни 
қўриқлаш учун конвой сардори ушланган ва қамоққа олинганлардан 
5 метр узоқликда пост ташкил қилади. Конвой қилинаётганлар 
ҳожатга биттадан конвой сардори ва битта конвой ходимининг 
назорати остида дам олиш жойидан 20 метрдан узоқ бўлмаган 
масофага олиб борилади. 
Узоқ муддатли дам олиш ва тунаб қолишни яқин атрофдаги 
аҳоли яшаш жойларида ташкил этишда, конвой ходимларига ушбу 
ҳудуд профилактика инспектори ва шу жойдаги маҳаллий ҳокимлик 
вакиллари амалий ёрдам кўрсатишлари мумкин. 
Ушланган ва қамоққа олинганларни пиёда конвой қилиш шаҳар 
ҳудудида амалга ошириладиган бўлса, конвой ходимлари тўппонча, 

---

208 
аҳоли яшаш жойидан ташқарида бўлса, автомат билан қуролланти-
рилади ва конвой ходимлари конвой қилинувчиларни тўлиқ кўриш 
имкониятини берадиган тартибда жойлашади.