Ўзбекистон республикаси ички ишлар вазирлиги а к а д е м и я ш. Р. ҚОбилов коррупция муаммосини

Коррупциясиз соҳа
» лойиҳасини 
амалга оширишнинг дастлабки босқичида капитал қурилиш ва 
таълим соҳаларининг танланганлиги ҳам бежизга эмас. Шуни 
таъкидлаш лозимки, коррупцияга қарши курашишда, энг аввало, 
таълим тизимига эътибор бериш муҳим аҳамият касб этади. Зеро, 
«
Инсон жамиятни ўзгартиради, таълим эса инсонни ўзгартиради
» 
ғояси бўйича таълим тизими орқали жамиятда коррупцияга нисбатан 
муросасиз муносабатни шакллантириш мумкин. Ўзбекистон 
Республикасининг «Коррупцияга қарши курашиш тўғрисида»ги
Қонунининг 3-боби «Коррупцияга қарши курашиш соҳасида 
ҳуқуқий онг ва ҳуқуқий маданиятни юксалтириш» деб номланган 

---

69
бўлиб, 16-модда «Аҳолининг ҳуқуқий онги ва ҳуқуқий маданиятини 
юксалтириш, жамиятда коррупцияга нисбатан муросасиз муносабатни 
шакллантириш», 17-модда «Давлат органлари ва бошқа ташкилотлар 
ходимларининг ҳуқуқий саводхонлигини ошириш» ва 18-моддасида 
«Таълим муассасаларида коррупцияга қарши курашиш соҳасидаги 
ҳуқуқий таълим ва тарбия»га доир нормалар ўрнатилган. 
Давлат дастурининг 4-бандига кўра, таълим муассасаларининг 
ўқув дастурларига коррупцияга қарши курашиш махсус курсларини 
киритиш вазифаси қўйилди. Ҳуқуқий таълим ва тарбия белгиланган 
давлат таълим стандартларига мувофиқ амалга оширилади, давлат 
таълимни бошқариш органлари ва таълим муассасалари коррупцияга 
қарши курашиш соҳасидаги давлат сиёсатининг асосий йўналишларини 
инобатга олган ҳолда таълим муассасаларида ҳуқуқий таълим ва 
тарбияга, мутахассисларни касбий тайёрлашнинг сифатини оширишга, 
таълим дастурларини доимий равишда такомиллаштириб боришга 
қаратилган чора-тадбирларни, айниқса, ёшларга ушбу йўналишда 
ҳуқуқий таълим бериш бўйича комплекс чора-тадбирларни ишлаб 
чиқилиши белгиланган.
Бир сўз билан айтганда, таълим тизими орқали коррупцияга 
қарши курашиш – бу давлат таълим стандартлари доирасида ишлаб 
чиқилган ва таълим муассасаларида коррупцияга қарши маърифатни 
шакллантириш, ёш ходимларнинг ҳуқуқий саводхонлигини ва
ҳуқуқий маданиятини оширишга қаратилган махсус дастурлар
асосида жамият ва давлат манфаатлари йўлида амалга оширилиши 
лозим бўлган таълимнинг мақсадли жараёнидир. Бу жараёнда