Avtomobil yo’llarini qidiruvlardagi geodezik ishlar. Reja

Geodezik qidiruv ishlarining yo’l xo’jaligidagi ahamiyati 
Hozirgi qurilishlarda asosiy tashkiliy ishlardan biri geodezik ishlar bo‘lib, u 
qidiruv, loyihalash, qurilish, foydalanishga topshirish va ekspluatatsiya davrida 
barobar xizmat qiladi. 
Geodezik qidiruv (izlanish) larga quyidagilar kiradi: 
- Bo‘lajak qurilish maydonini topografik sharoitini o‘rganish; 
- Ilgari o‘tkazilgan geodezik ma’lumotlar triangulyasiya, poligonometriya, 
nivelirlash va plan olish shoxobchalari, topografik plan olish kabi ma’lumotlarni 
yig‘ish va muhokama qilish. 
- Yangi planli va balandlik shoxobchalar barpo qilish. 
- Planga olish asosini tuzish. 
- Topografik plan olish. 
- Trassalash ishlari. 

---

Qurilishning har bir ob’ektiga geodezik izlanish dasturi tuziladi. Bunda joyni 
topografo-geodezik o‘rganish ma’lumotlaridan tashqari, qilinishi kerak bo‘lgan 
geodezik va topografik ishlar asoslanib boriladi. 
Dasturga joyni ko‘rsatuvchi sxema va kartogrammalar, bajarilishi kerak bo‘lgan 
topografik ishlar hajmi ko‘rsatilgan ma’lumot biriktiriladi 
Loyihalash bosqichda geodezik ishlar bajarilishi talab qilinadi. Uning vazifasi 
karta, plan, profil sifatida ma’lumotlar yig‘ish, loyihalanayotgan ob’ektlarga 
qurilish inshootlarini to‘g‘ri joylashtirish hamda qurilish maydonlarini joriy 
qilishdan iboratdir. 
Izlanishlar ikki bosqichda bajariladi (taxminiy va haqiqiy) xomaki va butkul. 
Loyihalash ishi olib borilayotganda ko‘pincha qurilish bo‘ladigan uchastkaning 
muhandislik loyihasi tuziladi, bunda plan va balandlik bo‘yicha inshootlarni 
joylashtirish bilan bog‘liq bo‘lgan geodezik hisoblar bajariladi. 
Qurilish bosqichida loyiha joyga ko‘chirilib, inshootlar joyi aniq ko‘rsatiladi.
Qurilishi tugallangan ob’ektni foydalanishga topshirish davomida ishlar 
bajarilishi plani, foydalanish davomida esa imorat va inshootlarni deformatsiyasi 
tekshirilib turiladi.