Педагогика ва психологияда инновациялар

Keywords:
credit, module, academic credit, academic module, credit-module system, Bologna 
process, ECTS. 
Бугунги кунда интeллeктуал салoҳиятга эга, илм-фаннинг замoнавий ютуқлари 
асoсида мустақил фикр ва мушoҳада юрита oладиган, мустақил равишда зарурий 
ахборотларни излаб топадиган ва улардан таҳлил асосида зарурийларини ажратиб оладиган, 
барча билан мулоқатга кириша оладиган, таълим муассаcасида олган билимларини ҳаётий 
эҳтиёжларида қўллай оладиган ёшларни тарбиялашга катта эътибор қаратмоқда. Маълумки, 
ҳозирги кунда биз ахборотлар оламида яшаяпмиз. Ўқишда ҳам, ишда ҳам, кундалик 
фаолиятда ҳам компьютер техника воситаларига дуч келамиз ва уларсиз бугунги кунимизни 
тасаввур эта олмаймиз. Шундай экан умумий ўрта таълим мактаб ўқувчиларига информатика 
ва ахборот техналогиялари фанидан чуқур билим бериш, уларни компьютер ва бошқа техник 
воситалардан тўғри ва оқилона фойдаланишга ўргатиш лозим. Ўқувчилар эса зарурий 
ахборотга эга бўлиш, уларни излаб топиш, ундан кераклисини ажратиб олиш ва 
фойдаланишни ўрганишлари, шу билан биргаликда ўрганилган билим, кўникма ва 
малакалардан кундалик ҳаётларида учрайдиган муаммоларни ҳал этишда тўғри ва оқилона 
фойдалана олишлари зарур. Бунинг учун хам уларни компетентли ёндошувга асосланган 
ҳолда ўқитиш лозим. Компетенциявий ёндашувга асосланган таълим ўқувчиларда эгалланган 
билим, кўникма ва малакаларини ўз шахсий, касбий ва ижтимоий фаолиятларида амалий 
қўллай олиш лаёқатларини шакллантиришга йўналтирилган таълим ҳисобланади.
Мазкур масала бўйича Европа Кенгаши 1996 йилда «Европа учун таянч 
компетенциялар» мавзусидаги Симпозиум ташкил этиб, унда Европа Иттифоқига аъзо 
давлатларнинг узлуксиз таълим тизими учун дастлабки таянч компетенциялари белгиланган 
[8]. Европа Парламенти амалий тажриба ва таклифлар асосида 2006 йил 18 декабрда Европа 
Иттифоқига аъзо давлатларга узлуксиз таълим тизими жараёнида шакллантирилиши лозим 
бўлган 8 та таянч компетенцияларни тавсия қилган [9]. Дунёнинг ривожланган 
давлатларининг давлат таълим стандартларидаги таянч компетенцияларнинг таҳлили 
бугунги кунда мазкур масалага қараш ва ёндашувлар ҳар мамлакатнинг таълимдан кўзлаган 
мақсади, имконияти ва шарт шароитларидан келиб чиққанлигини кўрсатди. 

---

ПЕДАГОГИКА ВА ПСИХОЛОГИЯДА ИННОВАЦИЯЛАР | ИННОВАЦИИ В ПЕДАГОГИКЕ И ПСИХОЛОГИИ | INNOVATIONS IN PEDAGOGY AND PSYCHOLOGY