Ўзбекистон республикаси ахборот технологиялари ва коммуникацияларини ривожлантириш вазирлиги муҳаммад ал-хоразмий номидаги

ИННОВАЦИОН ТЕХНОЛОГИЯЛАРНИ ҚЎЛЛАБ ТАЛАБАНИНГ МУСТАҚИЛ
ИШЛАШ ЖАРАЁНИНИ ТАШКИЛ ЭТИШ 
Ж.А.Омаров (ТАЙЛҚЭИ ассистент) 
А.С.Рахмонов (ТАЙЛҚЭИ ассистент) 
 
Ўзбекистонда таълим тизимини ривожлантириш истиқболини белгилаб берувчи 
“Таълим тўғрисида”ги Қонун ва “Кадрлар тайёрлаш миллий дастури” узлуксиз таълим 
тизими олдига умумий ҳамда мутахассислик маданиятини юксак, ижодий ва ижтимоий 
жиҳатдан фаол, жамият ҳаётида содир бўлаётган воқеаларни таҳлил эта оладиган, 
истиқболли масалаларни ҳал этиш қобилиятига эга бўлган кадрларни тайёрлаш 
вазифаларини қўйди.
Мамлакатимизда кадрлар тайёрлаш миллий дастурини ҳаётга тадбиқ этиш 
жараёнида таълим самарадорлигини ошириш, давлат таълим стандартларининг 
бажарилиши сифатини таъминлаш мухим вазифалардан бири ҳисобланади. 
Таълим тизими олдида турган мухим вазифаларни ҳал этиш бевосита ўқитувчи 
фаолиятига боғлиқдир. Ўқитувчининг бош вазифаси: ўқувчиларда мустақил фикр юритиш 
кўникмаларини ҳосил қилишдан иборат. Уларда тафаккур қирраларини шакллантириш ва 
ривожлантириш энг муҳим таълимий тарбиявий иш бўлиб ҳисобланади.
Ўқитувчи ўз фаолияти давомида ўқувчиларни билим эгаллашда фаоллаштирадиган, 
барча учун қулай бўлган йўлларни, усул ва услубларни, таълимнинг турли хил 
воситаларини ва вазиятларини излайди ҳамда улардан фойдаланган ҳолда педагогик 

---

187 
жараёнининг самарадорлигини оширади. Талабаларни мустақил фикрлашга ўргатиб, 
ижодий изланишга, эгаллаётган касбининг сирларини билиб олишга йўналтиради.
Ўқитиш жараёнининг самарадорлигини оширишда, асосий ўринни таълим 
жараёнига ижодий ёндошиш, таълимга интерфаол усулларни, инновацион таълим 
технологияларини киритиш ва улардан моҳирона фойдаланиш муҳим ўринда туради. 
Ҳозирги кунда таълим, фан ва ишлаб чиқаришдаги долзарб вазифалар кадрларга 
бўлган эҳтиёждан келиб чиқиб амалга оширилаётганига ишонч ҳосил қилинади. Маълумки, 
ривожланган мамлакатлар тараққиёти энг аввало замонавий фан ва техника ютуқларидан 
халқ хўжалигининг ҳамма тармоқларида оқилона фойдаланиш билан фарқланади. 
Давлатнинг, иқтисодий ва ижтимоий соҳаларнинг ривожланиши етук кадрларга ҳамда фан-
техника ютуқларидан қандай фойдаланишга боғлиқлигини бозор иқтисодиётининг 
шаклланиши кўрсатмоқда. 
«Кадрлар тайёрлаш Миллий дастури» ўқув жараёнининг илмийлиги, замон 
талабларига мослиги, турмуш амалиёт билан боғланишига асосланган.