Moliya va raqamli axborot texnologiyalari

“Elektron hukumat” loyihalarining asosiy maqsadi
— 
hukumatning boshqaruv va ma’muriy faoliyatida ish unumdorligi va 
samaradorligini ko‘tarish, bular asosida fuqarolarga yuqori darajadagi davlat 
xizmatlarini taqdim qilish, tadbirkorlik sub’ektlari faoliyati uchun maqbul muhit 
yaratishdan iborat bo‘lgan. Bu maqsadlarga erishish uchun, eng avvalo, hukumat 
idoralari faoliyatida innovatsiyani joriy qilish, keraksiz biznes-jarayonlar va 
reglamentlarni isloh qilish yoki bekor qilish, hujjatlarni qisqartirish, qarorlarni 
elektron tarzda qabul qilish, standartlashgan hujjat almashinuvi orqali davlat 
idoralari o‘rtasida ma’lumotlardan umumiy foydalanishni yo‘lga qo‘yish, «yagona 
oyna» tizimiga o‘tishni amalga oshirish zarur bo‘lgan. 
Albatta, bu ishlarning amalga oshirilishi fuqarolarga tashqariga chiqmasdan, ya’ni 
uyda yoki ishda bo‘la turib, bir tugmachani bosish orqali xohlagan murojaatni 
yuborish, ma’lumotnoma va boshqa hujjatlarni olish yoki tadbirkorlik faoliyatini 
tashkil qilish imkoniyatini beradigan innovatsion davlat xizmatlarini ko‘rsatishni 
ta’minlaydi. 

---

36 
SHu o‘rinda aytib o‘tishni joiz deb bilaman, “Elektron hukumat” tizimini joriy 
qilishda hali dastlabki qadamda turgan bo‘lsak ham, qilinayotgan ishlar samarasini 
tasavvur qilishimiz mumkin. 
“Elektron” hukumat tizimi beradigan ijtimoiy-iqtisodiy samaralarning qiymatini 
birma-bir hisoblab chiqish juda qiyin. Ushbu tizimni joriy qilish va rivojlantirish 
orqali davlat va jamiyatni demokratlashtirish, davlat boshqaruvida samaradorlikni 
oshirish, oshkoralikni ta’minlash jihatlaridan rivojlangan mamlakatlar darajasiga 
etishni maqsad qilib qo‘yganmiz. 
“Elektron hukumat” tizimi samarasini Respublikamiz misolida tushuntirib 
beraman. Fuqarolarga ko‘rsatiladigan xizmatlar (G2C) misolida gapiradigan 
bo‘lsak, oldinlari fuqarolar turli sabablar bilan davlat organlariga bevosita tashrif 
buyurib, murojaat qilishgan bo‘lsa, endilikda davlat interaktiv xizmatlari portali 
ishga tushgandan keyin tashriflar soni necha barobargacha qisqargan. 
Bu orqali tashrif buyurish uchun transportga sarflanadigan mablag‘lar tejab 
qolinmoqda. Bundan tashqari, davlat organlariga tashrif buyurishga sarflanadigan 
vaqtning tejab qolinishi, tashrif soni kamayganligi sababli ko‘chada transport 
vositalari tirbandligi kamayishi va ulardan chiqayotgan gazlarning kamayishi kabi 
bir qancha ijobiy natijalarga erishiladi. 
Tadbirkorlik faoliyatini qo‘llab-quvvatlovchi «yagona oyna» xizmatlari samarasi 
haqida gapiradigan bo‘lsak, faqatgina tadbirkorlik sub’ektlarini tashkil qilish 
bo‘yicha oxirgi yillar ichida qancha mablag‘lar tejab qolingan. 
Davlat organlarida ish unumdorligining oshishi haqida to‘xtalsak, ma’muriy ish 
jarayonlari tizimi joriy qilinib, u orqali qarorlar qabul qilish yo‘lga qo‘yilgandan 
keyin davlat xizmatchilarining ma’lum bir masalani ko‘rib chiqishga sarflanadigan 
o‘rtacha vaqti 6 soat 32 daqiqadan 3 soat 27 daqiqagacha qisqargan. 
Bu esa “Elektron hukumat” loyihalarining sifatli va samarali amalga 
oshirilganligidan dalolat emasmi? O‘zbekiston Respublikasida“Elektron hukumat” 
tizimi loyihalarini ko‘rib chiqaylik