Microsoft Word aldangan aysel ziyouz com doc

Onam qoldirgan kitobni qayta tanidim 
“Biz maxluqmiz, ya’ni yaratilganmiz. Bizni yaratgan Zot bor. Insonni yaratgan Zot 
insonga zulm qilmaydi. Bil’aks, insonni eng ko’p sevuvchi va madad beruvchi Udir”. 
“Adolatsiz bo’lib ko’ringan har bir narsaning hikmatli tomoni bo’ladi. Bu imtihon 
dunyosida hamma nima bilandir imtihon qilinadi. Har bir insonning imtihon qilinish 
darajasi u ega bo’lgan imkoniyatlarga ko’radir”. “Ko’zi yo’q odam tabiiyki, ko’z haqida 
imtihon qilinmaydi. Buning ustiga ko’zi yo’qligiga sabr qilgan bo’lsa, shunga loyiq 
mukofatlanadi. Ko’zi borlar esa, ko’zi ochiq bo’lgani, ko’rgan hamma narsalari uchun 
hisob berishga majburdirlar. Boshqa a’zolar borasida ahm shunday”.
Chuqur o’yga cho’mgandim. Har bir jumlani tahlil qilar, hayotimda aks etgan ta’sirini 
izohlardim. Demak, ma’noli va go’zal izohlar onam o’qigan kitob muallifiga tegishli 
shundaymi? Hay, onam-a! Sen qanchalar bebaho insonsan. O’sha qishloqi, kamtar soda 
qalbing bilan olimlardek hayot kechirib, ongli umr o’tkazgansan. Hozir seni juda yaxshi 
tushunyapman. O’sha ikki kitobni ham nima uchun omonat qoldirganingni ham. 
Ko’nglimdagi javobsiz savolardan biri:”Alloh nega bu koinotni yaratdi?’degan masala edi. 
Buni ham so’radim.

---

Aldangan Ayselning tavbasi. Xolid Erto’g’rul 
www.ziyouz.com
kutubxonasi 
38
-Alloh bu olamni nega yaratdi? Bir qancha inson yomon yo’lsa yurib jahannamiy bo’ladi, 
ahyot ularga zindon bo’ladi. Yaratmasaydi, shuncha azob bo’larmidi? Shunda hech narsa 
bo’lmasdi ham, biz ham, qayg’ularimiz ham bo’lmasdi.
Shu va shunga o’xshash savollarni shunchaki emas, o’rganish uchun so’rar, o’zimcha 
tahlil qilardim. Abrinur xonim bu savolimga ham javob berishga harakat qildi.
-Koinotni yaratish Allohning irodasi bilandir. Buning sabablarini qidirish biz kabi maxluq 
insonga munosib ish emas. Biro dam ko’nglida paydo bo’lgan marhamat bilan 
muhtojlarni yedirsa, kiydirsa, ularga pul bersa, xursand qilsa, ulardan biri chiqib:”Bularni 
nega qilyapsan, qilmasang bo’lmasmidi?”, deb so’rasa, odobsizlik qilgan bo’lmaydimi? 
Allohning ham olamni nima uchun yaratgani sababini qidirish ana shunday odobsizlikdir. 
Zotan bu mavzuga o’z aql o’lchovlarimiz bilan izoh bersak ham, biror natija bo’lmaydi. 
Chunki yaratgan nima uchun yartaganini o’zi izohlamasayu, yaratilgan bo’la turib bizlar 
buni qnaday izohlaymiz. Izohlasak ham, yana kamchilik va xato qilishimiz aniq. Ammo 
bu savolga qisman bo’lsa-da, javob beradigan bo’lsak:dastlab yaratish istagi biror 
ehtiyojdan paydo bo’lmaganini va buni faqat Janobi Haqning o’ziga havola etish 
afzalligini aytishimiz lozim. Inson zimmasidagi eng asosiy vazifa o’zi bilan bog’liq 
muammolarni o’rganish, hal etishdir. Nima uchun yaratilgan? Vazifasi nima? Qayerga 
ketyapti? Kimga qanday hisob beradi? Hayoti davomida atrofini o’rab turgan 
ne’matlarning Egasi undan nima istaydi? Inson uchun, avvalo, ushbu savollarning javobi 
muhimdir”.