Ўзбекистон республикаси олий ва ўрта махсус таълим вазирлиги ўзбекистон республикаси қишлоқ ва сув хўжалиги

 
Таянч иборалар: 
 
Табиий унумдорлик, сунъий унумдорлик, иқтисодий унумдорлик, 
абсолют унумдорлик, нисбий унумдоррлик, тупроқ бонитети, ер рентаси, 
дифференциал рента, ерни иқтисодий баҳолаш, ер кадастри, 
дифференциал соф даромад. 
Саволлар 
1.Қишлоқ хўжалигида ернинг асосий ишлаб чиқариш воситаси 
сифатида хусусиятлари қандай? 
2.Республика ер фонди, унинг таркибий қисмлари қандай? 
3.Ерларнинг иқтисодий баҳоси нима? 
4.Тупроқ унумдорлигининг турлари ва уни ошириш йўллари қандай? 
5.Давлат ер кадастрининг зарурияти ва тузилиши? 
6.Ердан фойдаланишнинг иқтисодий самарадорлиги кўрсаткичлари 
қайсилар? 
 
 
 
 
 
 
 
 
 
 

---

148 
7-БОБ.ҚИШЛОҚ ХЎЖАЛИК МОДДИЙ-ТЕХНИКА 
РЕСУРСЛАРИ ВА УЛАРДАН САМАРАЛИ 
ФОЙДАЛАНИШ 
 
«Қишлоқ хўжалигини замонавий технология, 
техника ва ускуналар билан таъминлаш ҳамда 
уларнинг ишлаб чиқариш имконияти ва 
сифати 
деҳқонларни 
қониқтирадиган 
даражада бўлиши керак»
И.Каримов 
 
1.Асосий воситалар: мулк шакллари, классификацияси, 
баҳоси ва такрор ишлаб чиқариш 
Қишлоқ хўжалигини интенсив ривожлантириш ҳозирги босқичида 
мавжуд ишлаб чиқариш салоҳиятнинг самарадорлигини оширишда, 
моддий-техника базасини кенгайтириш, қайта ташкил қилиш ва 
реконструкция қилиш бирламчи аҳамиятга эгадир. 
Қишлоқ хўжалигининг моддий-техника базаси деганда, қишлоқ 
хўжалигида мавжуд бўлган барча меҳнат воситалари ва меҳнат буюмлари 
йиғиндиси тушунилади. Унинг таркибига ер ресурслари, ишлаб чиқариш 
иморатлари, иншоатлари, қишлоқ хўжалиги машиналари ва жиҳозлари, 
транспорт воситалари, маҳсулдор ва ишчи ҳайвонлари, кўп йиллик 
дарахтлар, сув ресурслари, уруғлик, чорва озуқалари, нефть 
маҳсулотлари, ўғит, кимё воситалари ва бошқалар киради. 
Қишлоқ хўжалигининг моддий-техника базаси иқтисодиётнииг 
бошқа тармоқларидан бир қатор хусусиятлари билан фарқ қилади: