Ш. З. Умарованинг таҳрири остида

Фармакопея қўмитаси
дори воситалари, диагностика ва профилактика 
воситалари, 
шунингдек 
фармацевтикада 
ишлатиладиган 
ёрдамчи 
воситаларни, стандартларни экспертизадан ўтказувчи, амалиётга жорий 
этилишини таъминловчи бўлимдир. 
Ўзбекистон Республикаси Соғлиқни сақлаш вазирлиги Фармакопея 
қўмитаси вазирликнинг 1992 йил 14 апрелидаги 227-сон буйруғига биноан 
биринчи марта Тошкент фармацевтика институти қошида ташкил этилди. 
1994 йил 22 июлида “Ўзфармсаноат” Давлат-акционерлик концерни 
тасарруфига ўтказилди. 
Ўзбекистон Республикаси Вазирлар Маҳкамасининг 1995 йил 25 
майдаги 181-сон “Доривор воситалар, тиббий буюмлар ва даволаш-
профилактика озиқ-овқатлари сифати устидан давлат назоратини ташкил 
этиш тўғрисида”ги қарорига биноан Фармакопея қўмитаси “Ўзфармсаноат” 
давлат акционерлик концерни ихтиёридан қайта Соғлиқни сақлаш вазирлиги 
тизими тасарруфига ўтказилди ва шу кунга қадар “Дори воситалари, тиббий 
буюмлар ва тиббий техника экспертизаси ва стандартизацияси давлат 
маркази” давлат унитар корхонаси таркибида фаолият юритмоқда. 
Фармакопея қўмитасининг асосий вазифалари қуйидагилардан иборат: 
– дори воситалари, диагностика, профилактика воситаларини яратувчи 
ташкилотлар томонидан тақдим этилган меъёрий-техник ҳужжатлар (МТХ) 
лойиҳаларини экспертизадан ўтказиш, уларнинг сифатини талаблар 
даражасига кўтариш ва тасдиқлаш учун тақдим этиш; 

---

531 
– Ўзбекистон Республикаси Давлат Фармакопеясини чоп этишга 
тайёрлаш; 
– дори воситалари ва ёрдамчи воситаларга қўйиладиган умумий 
стандарт талаблари ва назорат усулларини яратиш, мавжудларини 
такомиллаштириш; 
– Республикадаги дори воситалари назорат-таҳлил лабораториялари, 
дори воситалари муомаласига алоқадор бўлган ташкилот ва муассасаларни 
МТХлар билан таъминлаш; 
– дори воситаларини яратиш, ишлаб чиқаришни йўлга қўйиш, сифат 
назоратини амалга ошириш, сақлаш бўйича бошқарув ҳужжатлари ва 
йўриқномаларни тайёрлаш ва амалиётга жорий этиш.