Тошкент фармацевтика институти

Ходимларни танлаш 
Бозор 
иқтисодиѐти 
шароитида 
бошқарув 
вазифаларининг 
мураккаблашуви корхона раҳбарларидан ходимларни тўғри танлаш, уларни 
жой-жойига қўйиш ва тарбиялаш ишларига жуда катта маъсулият билан 
ѐндашишни талаб қилади. 
Ходимларни танлаш – бу икки томонлама жараѐндир. Бир томондан 
корхона даъвогарни иш билан таъминлаш ѐки таъминламасликни ҳал қилса, 
иккинчи томондан даъвогар агар ишга таклиф қилинса, у бу таклифни қабул 
қилиш керакми ѐки керак эмаслигини ҳал қилади. 
Бу жараѐнда раҳбар қуйидаги ҳолатларга эътиборини қаратмоғи лозим: 
Биринчи навбатда шуни таъминламоқ керакки, ишга қабул 
қилинаѐтган ходим музокаралар чоғида ўзининг бўлажак ишининг барча 
хусусиятларини тасаввур қилсин, келгусида кутилмаган ҳолларга дуч 
келмасин. Даъвогарга берилган баҳолар ва тавсияларни таҳлил қилганда, 
шунингдек, музокаралар олиб борилганда унинг топширилаѐтган ишни 
бажара олишига, зарур бўлиб қолганда касбий маълумотини ошира 
билишига, техникага нисбатан эътиборига, феъл-атворига, ҳалоллиги, 
мулоҳазалилиги ва тўғрилигига; ташаббускорлиги, талабчанлигига; оғир 
шароитда ўзини тутишига; саломатлиги, ташқи кўриниши, вақтни 
тақсимлай билишига; хунари ва бўш вақтларидаги машғулотларига диққат 
қилиш лозим. 
Ҳар бир даъвогарга у билан турмуши тўғрисида суҳбатлашиш ва барча 
саволларга жавоб олиш учун етарли даражада вақт ажратиш керак. 
Шу билан бирга, ишга қабул қилинаѐтган номзод топшириладиган 
ишни бажара олиш қобилияти билан бир қаторда, корхонанинг бошқа 
ходимлари билан чиқишиб кетадиган ҳам бўлиши керак. Ишга қабул 
қилинган ходим ўз хамкасабаларига қўшилиб кетганда ўзини уйидагидек 
ҳис этиши муҳимдир. У бурчларини қандай эплаѐтганини диққат билан 
кузатиш ва ѐрдам бериш, унинг янги жойда ўзини тутиб олиши учун вақт 
кераклигини англамоқ лозим. 
Ходимларни танлаш ва уларга адолатли баҳо бериш бошқаришнинг энг 
мураккаб қирраларидан бири ҳисобланади. Ходимларни танлаш услуби 

---

64 
қанчалик тўғри олиб борилса, корхонанинг меҳнат фаолиятининг 
самарадорлиги шунчалик юқори бўлади.