O'zR. Konst u'yr kitabi. Orinbetov n

ma’mleket wo’z ara huquqlar menen ha’m wo’z ara juwapkershilik penen
baylani’sadi’
. Konstituciyada ha’m ni’zamlarda bekitilgen puqaralardi’n’ 
huquqlari’ ha’m yerkinlikleri bulji’maydi’ ha’m sudsi’z bulardan ayi’ri’wg’a 
yamasa sheklewge 
heshkimnin’ 
haqi’si’ joq» delingen. Soni’n’ menen ma’mleket 
puqaralari’ni’n’ Konstituciyada bekkemlep qoyi’lg’an huquqlari’ ha’m yerkinliklerin 
ta’miyinleydi.
Ha’rbir
puqara wo’zinin’ huquq ha’m yerkinliklerin sud arqali’ 
qorg’awi’na kepillik beriledi. Soni’ da ayti’w kerek, ma’mleket huquqti’ inam yetpeydi, 
ba’lki puqara yerkinlik sebepli wo’zine tiyisli aji’ralmas huquqlar ji’ynag’i’nan sanali’ 
ta’rizde ha’m juwapkershilik penen paydalanadi’. 

---

13
Shaxs ha’m ma’mlekettin’ wo’z ara qatnasi’nda shaxsti’n’ worni’n ayri’qsha 
ko’rsetip wo’tiw za’ru’r. Wo’zbekstan Respublikasi’ Konstituciyasi’ni’n’ 20-
statyasi’ndag’i’ qag’i’yda boyi’nsha «Puqarani’n’ wo’z huquqlari’n ha’m 
yerkinliklerin a’melge asi’ri’wi’ basqa adamlardi’n’, ma’mlekettin’ ha’m 
ja’miyettin’ ni’zamli’ ma’plerin, huquqlari’n ha’m yerkinliklerin buzbawi’ tiyis». 
Bul qag’i’yda tikkeley shaxsti’n’ ja’miyet ha’m ma’mleket aldi’ndag’i’ juwapkershiligin 
bekkemleydi. Shaxs wo’zinin’ Konstituciyali’q huquq ha’m yerkinligin a’melge asi’ri’w 
bari’si’nda basqa shaxslardi’n’ huquqlari’n u’stin dep bilip, wolardi’ hu’rmet yetiwleri 
za’ru’r. Yeger de shaxs wo’z ma’pin u’stin qoyi’p, basqalardi’n’ huquqlari’n kemsitse 
yamasa konstituciyali’q qag’i’ydalarg’a qarsi’ ra’wishte ni’zamsi’z isler arqali’ wo’z 
jeke ma’pine yerisiw joli’nda ha’r qi’yli’ ha’reketler jasasa, juwapkershilikke tarti’ladi’. 
Shaxs soni’n’ menen birgelikte ma’mleket ha’m ja’miyettin’ ni’zamli’ ma’pleri, huquq 
ha’m yerkinliklerine de zi’yani’n tiygizbewi za’ru’r.