Бизнес ва мулокот конунлари аюпов Равшан Хамдамович

Ўз хатоларингиздан хулосалар чиқаришингиз керакми? 
Албатта керак, чунки шахсий ривожланиш қонунига мувофиқ, инсон 
бир хил турдаги хатоларини токи у бу хатосини яхшилаб тушунгунга қадар 
қайтараверади. Демак, Сиз ўз хатоларингизни уларда Сиз учун қандай сабоқ 
борлигини билиш ва тушуниш учун чуқур ва ҳар томонлама таҳлил қилинг. 
Доимо орзулар ва кўникмалар орасида балансни сақлашга урининг. 
Хатоларингиз туфайли олган сабоқларингиз ҳақида бошқалар нима деб 
ўйлашлари билан қизиқинг. Уларнинг фикрлари ва таклифларини тўғри 
қабул қилинг ҳамда бу ҳолатлардан ҳам ўзингизга ҳулосалар чиқаринг. 
Фонд бозорида қандай фаолият кўрсатилади? 
Фонд бозорига инвестиция қилиш Сизнинг пуллар билан ўзаро 
муносабатингизнинг ҳақиқий кўринишини очиб беради. Бу бозор тезкор, 
раҳм-шавқатни билмайдиган, қонун-қоидалари қатъий бўлиб, инсон 
характерини тоблайди. Режа ва мулоҳазаларингиздаги ҳар қандай хато, 
қизғанчиқлик ёки беқарорлик жуда ҳам қимматга тушиши мумкин. 
Акцияларга инвестиция қилишнинг асосий қонуни – билим, тартиб ва 
келажакни била ва тушуна олишдир. Фонд бозори инвестиция соҳасида аниқ 
мақсадга эга бўлганлар ва пул топишнинг уч асосий сир-асрорини 
қўллайдиган, обрули ва билимли бошлиқларга эга бўлган ҳамда бозорда 

---

Аюпов Равшан Хамдамович 
96 
асосий позицияларни қатъий эгаллаган компанияларни танлаганлар учун 
жуда ҳам катта имкониятлар яратиб беради.
Акцияларга инвестиция қилиш қандай амалга оширилади? 
Агар фойда олишни ва ақл билан инвестиция қилишни истасангиз, 
қуйидаги кўрсатгичларга эга бўлган компанияларнинг акцияларини сотиб 
олинг: 

Бозорда ноёб, стабил ва доимий жой эгаллаган ҳамда бошқалар учун 
жуда зарур бўлган ноёб маҳсулот ёки ҳизмат таклиф этаётган 
компания; 

Эксклюзив ёки деярли эксклюзив маҳсулот сотаётган ва бу маҳсулот 
истеъмолчиларга маъқул тушган ҳамда унинг учун инсонлар пул 
тўлашга тўлашга тайёр бўлган компания; 

Аниқ мақсадга ва маънили бизнес режага эга бўлган ҳамда ақлли 
бошқарув кадрлари мавжуд компания; 

Соф фойданинг ва пул айланишининг миқдори тезда кўпайиб 
бораётган компания; 

Акциялари баҳоси тўхтовсиз ўсаётган компания; 

Директорлар ва менеджерлар шахсий ихтиёрида (
ёки назоратида
) 
акцияларнинг катта пакетлари бўлган компания; 

Энг йирик 500 та компаниялар руйхатига кирадиган; 

Заём воситаларининг даражаси паст бўлган компания; 

Фоизлар тўлашда ҳаражатлар миқдори паст бўлган компания. 
Шундай компанияларни топингки, уларнинг фаолиятидан пул жалб 
қилишнинг учта сир-асрорини қўллаётганлари билиниб турсин ва улар 
акцияларга муваффақиятли инвестиция қилишнинг учта калитига эга 
бўлсинлар (
ўсиш, сифат, паст таваккалчилик даражаси
).