Бизнес ва мулокот конунлари аюпов Равшан Хамдамович

Агар бошқа усуллар таъсир қилмаса, қуйидагидан фойдаланиб
кўринг: 
Ишни бажариш ва мақсадга эришиш учун фойдаланиладиган энг 
яхши усуллардан бири рақобатни, бировдан устунликка эришиш муҳитини 
яратишдир. Инсонларнинг бошқа бировлардан устун бўлмоқчи бўлганликка 
интилиш ҳиссиётидан фойдаланинг ва бунда уларнинг энг нозик 
томонларидан фойдаланишга харакат қилинг. Шунда одамларнинг 
устунликка эришиш, ютиш ва ўзини кўрсатишга бўлган интилиши керакли 
кадрларни танлаш ва уларни ушлаб туриш имконини яратади.
Инсонларга 
уларни хафа қилмасдан ва кўнглини оғритмасдан таъсир 
қилишнинг қуйидаги ўнта усули танбеҳ бериш қоидаларидан бошланади.

Агар танбеҳ бериш керак бўлса, уни қандай билдирган маъқул? 
Ёқимли бўлмаган маълумотларни билдиришдан аввал инсонларнинг яхши 
томонларини айтиш мақсадга мувофиқ бўлади. Агар Сиз бирор бир инсонга 
уни ҳафа қилмасдан таъсир қилмоқчи ёки уни дарғазаб қилмасдан бирор бир 
амалга ундамоқчи бўлсангиз, энг аввало уни мақтанг ва унинг яхши 

---

Аюпов Равшан Хамдамович 
21 
томонларни бўямасдан тан олинг. Ундан сўнг эса танбеҳни ҳам юмшоқроқ ва 
тушунарли тарзда билдиринг.

Ўзингизга нафрат уйғотмасдан туриб, бошқа инсонни қандай 
қилиб танқид қилиш мумкин? 
Бошқаларнинг хатоларини бевосита эмас, балки билвосита кўринишда 
кўрсатинг. Шунда гап “
Қизим сенга айтаман, келиним сен эшит
” қабилида 
керакли одамга етиб боради ва танқид яхши қабул қилинади.

Олдин 
ўз 
хатоларингиз 
ҳақида 
гапириш 
ва 
сўнгра 
ҳамсуҳбатингизни танқид қилишингиз маъқул бўлади. 
Агар олдин ҳамсуҳбатингизнинг хатолари ҳақида гапирсангиз, у Сиздан 
бироз ҳафа бўлиб қолиши ва ундан сўнг айтадиган гапларингизни яхши 
қабул қилмаслиги мумкин. Шунинг учун яхшиси ўз хатоларингиз ҳақида 
гапиришдан бошланг ва танқид қилинаётган кишининг ҳам ўз хатоларини тан 
олишига эришинг.
