Электр таъминоти ва электр тармоšлари

Ерга (нулга) туташтириш 
5.5.18. Лифтларни (кўтаргичлар) ерга туташтириш 1.7 бобдаги талабларга, ҳамда қуйидаги талабларга жавоб бериши 
керак: 
1. Товуш ва тебранишларни изоляцияловчи таянчларда ўрнатилган электрмашина ва аппаратларни ерга туташтириш 
эгилувчан симлар билан бажарилиши керак. 
2. Кабинани ерга туташтириш учун ток ўтказгич кабели томирларининг бирини ёки симларининг бирини ишлатиш 
мумкин. Қўшимча ерга туташтирувчи ўтказгич сифатида кабелларнинг экранловчи қобиғи ва тутиб турувчи трослар, ҳамда 
кабинани тутиб турувчи пўлат тросларни ишлатиш тавсия этилади. 
3. Йўналтирувчи металл кабиналар ва посангилар (қарши юклар) ҳамда шахта тўсиғининг металл қурилмалари ерга 
туташтирилган бўлиши керак.
 
 
Контаксиз аппаратурали бошқариш ускуналари 
5.5.19. Лифтларни бошқариш учун контактсиз аппаратуралар ишлатилганда 5.5.20-5.5.28 ларда кўрсатиб ўтилган 
шартлар бажарилиши керак.
5.5.20. Лифтлар гурухининг мураккаб бошқариш системаси бошқариш блокларининг алоҳида гурухларидан ташкил 
топган бўлиши керак, бунда: 
1) Хар қайси лифт, бошқа лифтлар ва уларнинг блокларининг ҳолатига боғлиқ бўлмаган ҳолда, шу лифтни ишга 
туширувчи алоҳида блоклар гурухи билан бошқарилиши керак. 
2) Лифт блокларини, бошқа лифтлар ишини бузмасдан, осон узиб қўйиш имкони кўзда тутилши керак. 
5.5.21. Бошқариш системасининг мантиқли элементли таъминлаш блоклари қ.т дан, ўта юкланишдан ва чиқиш 
кучланишини пасайишидан ҳимояларга, уни ишга тушиши тўғрисидаги сигнализацияга эга бўлиши керак. Ҳимоя шундай 
тузилиши керакки, бунда қ.т, ўта юкланиш ёки кучланиш пасайиши бўлганда битта чиқиш занжиридан таъминлаш 
блокининг барча чиқиш занжирлари ўчирилсин.

---

275 
5.5.22. Агар мантиқли элементли бошқариш системасининг умумий нуқтаси ерга туташтирилмаган бўлса, хар қайси 
чиқиш занжирида ерга туташишни назорат қилиш, у тўгрисида хабар бериш билан бирга, кўзда тутилиши керак.
5.5.23. Таъминлаш блоклари масофадан уланиши ва ўчирилиши мумкин. 
5.5.24. Лифтларнинг алоҳида блоклардан йиғиладиган бошқариш станциялари асосий сигналларнинг ўтишини 
кўрсатувчи аппаратура билан, ёки бу сигналларни назорат қиладиган ўлчов аппаратурасини улашга имкон берадиган уячалар 
билан таъминланиши керак.
5.5.25. Бошқариш станцияси ва қурилмалар комплекти конструкциялари, симларга, кабелларга ва қисқичларнинг 
кирувчи қаторларига бемалол киришни таъминлаши керак. 
5.5.26. Бошқариш станцияси шкафларда ўрнатилганда шкафлар эшигига ўрнатиладиган сигнал берувчи аппаратурадан 
ташқари бошқа аппаратураларни ўрнатиш тавсия этилмайди. 
5.5.27. Кнопка, бошқариш калити, йўл ва охирги ўчиргичларнинг занжирлари гальваник ажратилган бўлиши керак. 
Ажратиш, мувофиқлаштирувчи кириш элементлари ёрдамида ёки контактлари кичик юкли занжирларда ишлаш учун 
мўжалланган реле ёрдамида оширилиши мумкин.
5.5.28. Кучланиши 220 В ва ундан юқори занжирлар, кучланиши 220 в дан паст бўлган контаксиз элементларнинг 
занжирларидан алоҳида ётқизилиши ва махсус ажратилган қисқичлар қаторига ёки қисмларга ажратилган контактли 
улагичларга алоҳида уланиши керак.