P islomov toshkent 2017 O‘quv qo‘llanma

Ma’lumotlarni ifodalash usullari: 
Karta va ro’yxat.
Karta darchasida kartografik ob’yektlarni tahrirlash 
va yaratish, masshtablash, proyektsiyalarni o’zgartirish instrumentlaridan 
va karta bilan ishlashning boshqa funksiyalaridan foydalanish mumkin. 
Kartografik ob’yektlar bilan bog`langan atributiv axborot jadvallar 
ko’rinishida saqlanadi, ulardan ma’lumotlarni turli tipdagi grafiklar va 
diagrammalar ko’rinishida ifodalash mumkin. 
Legenda.
Legenda darchasida ob’yektlarning kartadagi va tematik 
qatlamlardagi shartli belgilari aks ettiriladi. 
Hisobot.
Hisobot darchasida masshtablash, maketlash, shuningdek 
ko’p listli kartalarning shablonlarini saqlab qo’yish vositalari beriladi. 
MapInfo bilan ishlay turib, kartalarning fragmentlari, ro’yxatlar, grafik va 
ustxatlar bor hisobotlarni shakllantirish va bosib chiqarish mumkin. 
Bosishga chiqarishda MapInfo operastion tizimning standart drayverlarini 
qo’llaydi. 
Tematik kartalar.
Fazoviy ma’lumotlarni tushunarli ifodalash va 
kartografik tahlil qilish uchun MapInfo GATida tematik kartografiyalash 
qo’llaniladi. MapInfo tematik kartalar tuzishning quyidagi uslublarini taklif 
qiladi: qiymatlar diapazoni, ustunsimon va aylanma diagrammalar, 
darajalangan simvollar, nuqtalar zichligi, alohida qiymatlar, uzluksiz yuza. 
Tematik qatlamlar hamda buferlash, rayonlashtirish, ob’yektlarni qo’shish 

---

150 
va bo’lib chiqish, fazoviy va atributiv klaasifikastiyalash uslublarining 
birligi ierarxik strukturali sintetik ko’pkomponentli kartalar imkoniyatini 
beradi. 
Boshqa ilovalar bilan integrastiyalanishi: 
MapInfo GATi geoaxboriy dasturiy ta’minot ishlab chiquvchilar 
uchun katta imkoniyatlar ochib beradi. Windows-ilovalar o’rtasida birga 
ishlashning zamonaviy uslublaridan foydalanish MapInfo kartasi darchasini 
Delphi, Visual Basic, C++, PowerBuilder va boshqa tillarda yozilgan 
dasturlarga integrastiyalash imkoniyatini beradi. MapInfo va MapBasic 
ishlab chiqish muhitini birga qo’llash har bir foydalanuvchiga muayyan 
amaliy masalalarni yechish uchun spestifik ilovalar yaratish imkoniyatini 
beradi.