1-Ma’ruza Kirish. Sohada axborot texnologiyalarining strukturasi, tavsifi va terminlari. Maqsad

Axborot texnologiyalari
- bu xo`jalik ob’yektlarini boshqarish uchun dasturiy va 
apparatli ta’minot asosida ma’lumotlarni to`plash, ro`yxatdan o`tkazish, jo`natish va qayta 
ishlashni amalga oshirish uchun usul va vositalarning yig`indisidan foydalanadigan jarayon. 
Axborot texnologiyalari
- bu axborot vositalaridan foydalanish va avtomatlashtirish 
usullari bo`yicha amalga oshiriladigan jarayonlarning tizimli tashkil etilishi. 
Axborot uzatish protsedurasi
- tizimga ma’lumotlarni kiritish va uzatish jarayonidan 
tashqari, tarmoqqa ma’lumotlarni raqamli shakldan analog shaklga o`tkazish va aksincha 
amallarni, shuningdek, xabarlarni chiqarish operatsiyalari, kiritish va chiqarish nazoratini, 
ma’lumotlarni ximoya qilishni o`z ichiga oladi. 
Axborotni qayta ishlash tartib - taomillari
axborot texnologiyalari ichida eng asosiy 
hisoblanadi. Qolgan protseduralar yordamchi xarakterga ega. 
Avtomatlashtirilgan axborot texnologiyalari (AAT)
- ishlab chiqilgan dasturiy 
ta’minotni qo`llagan xolda boshqaruv masalalarini xal qilish uchun muntazam axborotni 
to`plash, ro`yxatdan o`tkazish, uzatish, saqlash, qidirish, qayta ishlash va himoya qilish usullarini 
va vositalarini, uning yordamida mijozlarga ma’lumot taqdim etishni o`z ichiga oladi. 
Avtomatlashtirilgan axborot texnologiyalarining asosiy maqsadi
- birlamchi 
ma’lumotlarni qayta ishlash orqali yangi sifatli axborotni olishdir, buning asosida optimal 
boshqaruv qarorlari ishlab chiqiladi. 
2. 
 Axborot texnologiyalarining rivojlanish bosqichlari. 
Axborot texnologiyalari rivojlanishi to`g`risida kompьyuterlardan foydalanish bilan 
bog`lik bo`lgan belgilari orqali farqlanuvchi bir necha fikrlar mavjud. Shaxsiy kompьyuterning 
paydo bo`lishi bilan axborot texnologiyalari rivojlanishining yangi bosqichi boshlanganligi 
barcha yondashuvlar uchun umumiy hisoblanadi. Asosiy maqsad - bu insonlarning shaxsiy 
ehtiyojlari hamda professional soha va kundalik hayot uchun zarur axborotga bo`lgan 
ehtiyojlarini qondirishdir.