1-илова “Заковат” интеллектуал ўйини Кодекси

1.3.6. Чекловлар 
Барча билимдонларга ҳар қандай пайтда бошқа жамоалар жавоби 
ёзилган карточкаларга тегиниш ёки уларнинг мазмуни билан танишиши 
тақиқланади. 
Барча билимдонларга ва ҳар қандай пайтда, ЎҲнинг алоҳида рухсатисиз 
қуйидагилар тақиқланади: 
•
ўз жамоасининг жавоб карточкасига у секундантга топширилгандан 
сўнг тегиниш. Хусусан, жамоа сардори ўз жамоасининг жавоб 
карточкасига ЎҲ билан мулоқот пайтида тегиши мумкин эмас; 
•
агарда натижалар жадвали қўлда ёзилса, натижалар жадвали 
оригиналига тегиниш; 
•
натижалар ҳисобланадиган компьютердан фойдаланиш. 
ЎҲ ва ТҚ аъзолари ҳамда бошловчи билимдонларга бошқа жамоалар 
саволларга қандай жавоб берганликлари тўғрисида, қайси жамоа қандай жавоб 
берганини билдирган ҳолда, маълум қилиш тақиқланади. Айрим саволларни 
топилиши ҳақида раундлар ўртасидаги танаффусда бериб бориладиган 
маълумотлар бундан мустасно.
1.3.7. Жамоалар жавобларини таҳлил қилиш 
Жавоблар таҳлили ҳар бир жавобни ҳисобга олиш ёки олмаслик 
тўғрисида қарор қабул қилиш, жавоб карточкаларини сақлаш учун ва 
натижалар жадвалига киргизиш учун тартибга солишни ўз ичига олади. 
Жавоблар таҳлили уларни ЎҲ ва ТГга келиб тушиши билан амалга 
оширилиб, савол раундларига боғланмаган. Зарур бўлганда, жавоблар таҳлили 
турлар орасидаги танаффусда ёки охирги тур якунидан кейин ҳам давом этиши 
мумкин. 
ЎҲ томониадн, МГ кўрсатмалари, 2.1. ва 2.3.3. параграфидаги қоида ва 
тавсиялар ҳамда соғлом фикрлаш қоидаларига амал қилган ҳолда жавоб 
карточкалари икки гуруҳга бўлинади: ҳисобга олинган ва ҳисобга олинмаган 
жавоблар. Жавобларни ҳисобга олишда ЎҲ маълумотномалардан 
фойдаланиши мумкин.
ЎҲ карточкаларни иккала гуруҳини ҳам натижалар жадвалига киритиш 
учун ТҚга беради ёки натижаларни ўзи киритади. Жавобларни сақлаш ТГ (ёки 
ЎҲнинг ўзи) томонидан амалга оширилиб, келгусида ЎҲ ва АҲ аъзолари 
томонидан жавобларни текшириш имконини таъминланиши зарур. 
ЎҲнинг жавобни ҳисобга олиш тўғрисидаги қарори фақатгина қуйидаги 
ҳолатларда бекор қилиниши мумкин: 

---

•
ЎҲнинг ўзи томонидан техник хато аниқланганда; 
•
Техник ҳисобга олмаслик важи билан (2.3.3 параграфига қаралсин) 
ЎҲ ёки ТҚ ёки унинг вакили томонидан. 
ЎҲнинг жавобни ҳисобга олмаслик тўғрисидаги қарори фақатгина 
қуйидаги ҳолатларда бекор қилиниши мумкин: 
•
ЎҲнинг ўзи томонидан техник хато аниқланганда; 
•
АҲ томонидан ушбу жавобни ҳисобга олиш тўғрисида қарор қабул 
қилинганда.