Qishloq xo‘jaligiga mo‘ljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash to‘G‘risida

2-bob. Dehqon xo‘jaligi yuritish uchun yer uchastkalarini ochiq elektron tanlovga qo‘yish
bo‘yicha materiallarni tayyorlash tartibi
5. O‘zbekiston Respublikasi Davlat soliq qo‘mitasi huzuridagi Kadastr agentligining (keyingi
o‘rinlarda — Kadastr agentligi) Davlat kadastrlari palatasi tuman (shahar)lar hokimliklari nomiga
davlat mulki sifatida davlat ro‘yxatidan o‘tkazilgan, yuridik va jismoniy shaxslarga berilmagan
qishloq xo‘jaligiga mo‘ljallangan yer uchastkalari to‘g‘risidagi quyidagi ma’lumotlarni elektron
axborot almashinuv orqali Ijrochiga yuboradi:
yer uchastkasi kadastr raqami, yer turi va geografik joylashuvi, maydoni (gektarda);
yer uchastkasining elektron xaritasida ko‘rsatish uchun yer uchastkasini kadastr xaritasi
(koordinatali nuqtalari, chegaradosh yer uchastkalaridan foydalanish turlari ko‘rsatilgan vaziyat
bilan bog‘liq sxema);
mavjud davlat kadastrlari obyektlari (gaz, aloqa va energetika obyektlari, avtomobil va temir
yo‘llar, tabiiy va texnogen xavfi yuqori bo‘lgan tegralar, transport quvurlari, gidrotexnik inshootlar,
muhofaza qilinadigan obyekt va hududlar hamda boshqalar) mavjudligi to‘g‘risidagi ma’lumotlar
(izoh ko‘rinishida). Bunda Davlat kadastrlarini yurituvchi vazirlik va idoralar davlat kadastrlari yagona
tizimida ma’lumotlarni to‘liqligiga javobgar hisoblanadi.
6. Jismoniy shaxslar “E-IJARA” AT ga bo‘sh turgan yer uchastkasi to‘g‘risidagi ma’lumotlarni
ochiq elektron tanlovga qo‘yish masalasini belgilangan tartibda ko‘rib chiqish uchun takliflar
kiritish huquqiga ega.

---

Ijrochi jismoniy yoki yuridik shaxsning taklifi kelib tushgan kundan e’tiboran besh ish kuni
ichida ochiq elektron tanlovdagi ma’lumotlar bilan solishtirib taklifni qabul qiladi yoki sabablarini
ko‘rsatgan holda joylashtirishni rad etadi. Bo‘sh yer uchastkasi aniqlangan taqdirda yer
uchastkasiga kadastr hujjatlarini rasmiylashtirish uchun tuman (shahar) hokimliklariga yuboradi.
Tuman (shahar) hokimliklari taklif etilgan yer uchastkasini yerlardan oqilona va samarali
foydalanish va ularni muhofaza qilish tadbirlari yuzasidan ko‘rib chiqadi. Kadastr hujjatlarini
rasmiylashtirish yuzasidan uch ish kuni ichida Kadastr agentligining Davlat kadastrlari palatasi
hududiy boshqarmalariga elektron axborot almashinuv orqali buyurtma beradi.
Kadastr agentligining Davlat kadastrlari palatasi hududiy boshqarmalari besh ish kuni ichida
mazkur yer uchastkasining kadastr hujjatlarini tuman (shahar) hokimligi nomiga rasmiylashtiradi,
natijasi bo‘yicha taklif etilgan yer uchastkasi to‘g‘risidagi ma’lumotlarni yoki rad etib, buning
sabablarini elektron axborot almashinuvi orqali “E-IJARA” ATga joylashtiradi.
Bunda kadastr yig‘majildini (pasportini) tayyorlash va yer uchastkasini davlat mulki sifatida
davlat ro‘yxatidan o‘tkazish xarajatlari mahalliy budjet mablag‘lari hisobidan Vazirlar
Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan
yondashuv tartibini takomillashtirish to‘g‘risida” 2014-yil 10-iyuldagi 186-son 
qarorida
belgilangan
miqdorlarda qoplanadi.
Jismoniy shaxslar vakolatli organlarning murojaatini ko‘rib chiqishni qonunga xilof ravishda
rad etganlik ustidan bo‘ysunuv tartibida yuqori turuvchi organga yoki bevosita sudga shikoyat
qilishga haqli.
7. Ijrochi besh ish kuni ichida ko‘rsatilgan yer uchastkalarini joyiga chiqqan holda o‘rganadi va
yer uchastkasining haqiqiy holati (loyihalashtirilayotgan yer uchastkasining holati, hududning
ixtisosligi, suv bilan ta’minlanganlik darajasi va irrigatsiya tizimining holati, ball-boniteti, sho‘rlanish
darajasi to‘g‘risidagi ma’lumotlar)dan kelib chiqib, yer uchastkasining yer tuzish loyihasini ishlab
chiqadi.
Ijrochi ochiq elektron tanlovga qo‘yilayotgan yer uchastkasi bo‘yicha ushbu Reglamentning
 4-
bandida 
belgilangan qishloq xo‘jaligi maqsadlari va o‘lchamlaridan kelib chiqib, bir nechta yer
tuzish loyihasini ishlab chiqishi mumkin.
Har bir yer tuzish loyihasiga “E-IJARA” ATda avtomatik tarzda o‘ziga xos raqam beriladi.
8. Ijrochi har bir yer tuzish loyihasini Kadastr agentligidan olingan dastlabki formatlarda
kelishish uchun vakolatli tashkilotlarga “E-IJARA” AT orqali yuboradi.
Ochiq elektron tanlovga qo‘yilayotgan yer uchastkasida davlat kadastrlari obyektlari (gaz,
aloqa va energetika obyektlari, avtomobil va temir yo‘llar, tabiiy va texnogen xavfi yuqori bo‘lgan
tegralar, transport quvurlari, melioratsiya va irrigatsiya inshootlari, muhofaza qilinadigan obyekt va
hududlar hamda boshqalar) mavjud bo‘lgan holatlarda qo‘shimcha ravishda davlat kadastrlarini
yuritish sohasidagi vakolatli organlar bilan ham kelishiladi.
9. Vakolatli tashkilotlar tomonidan “E-IJARA” AT ga yer tuzish loyihalari joylashtirilgan kundan
boshlab besh ish kuni ichida ushbu loyihalarni kelishadi yoki kelishishni rad etadi.
Bunda “E-IJARA” AT da qabul qilingan qaror haqida elektron raqamli imzo bilan
tasdiqlanadigan tegishli belgi qo‘yiladi.
Kelishuv hech qanday e’tiroz va shartlarsiz amalga oshiriladi.
Kelishish rad etilganda, sohaga oid qonunchilik hujjatlari normalariga havolalar qilingan
holda, taqdim etilgan yer tuzish loyihasini amalga oshirish (realizatsiya qilish) imkoni yo‘qligining
asoslangan sabablari ko‘rsatiladi hamda mazkur loyiha aynan qaysi jihatdan ushbu normalarga
muvofiq emasligi aks ettiriladi.
Belgilangan muddatda javob berilmagan hollarda yer tuzish loyihalari kelishilgan hisoblanadi.
10. Ijrochi yer tuzish loyihasini tasdiqlash uchun ikki ish kuni ichida quyidagi hujjatlarni ilova
qilgan holda “E-IJARA” AT orqali tuman (shahar) hokimligiga yuboradi:
a) yer uchastkasining maydoni (gektarda) va toifasi hamda yer turlari konturlar kesimida
jadval shaklidagi ma’lumot;
b) infratuzilma obyektlari mavjudligi to‘g‘risida ma’lumot;

---

v) yer uchastkasining (1:2000 miqyosdagi, yaylovlar uchun 1:5000 miqyosdagi) qishloq xo‘jaligi
elektron xaritasidan ko‘chirmasi, yer tuzish loyihasining chegaralari va manzili;
g) chegaradosh yer uchastkalari foydalanuvchilari haqida ma’lumotlar.
11. Tuman (shahar) hokimligi uch ish kuni ichida taqdim etilgan yer tuzish loyihasini ko‘rib
chiqib, ERI bilan tasdiqlaydi hamda “E-IJARA” AT orqali ijrochiga yuboradi.
Tuman (shahar) hokimligi uch ish kuni ichida ochiq elektron tanlovga qo‘yilayotgan yer
uchastkasining ixtisoslashuvi va yo‘nalishiga o‘zgartirish kiritish haqida yoki ochiq elektron tanlovda
ishtirok etuvchi shaxslar (ochiq elektron tanlovga quyilgan yer uchastkasi joylashgan hududdagi
jismoniy shaxslar) doirasini belgilagan holda, yer tuzish loyihasini tuzatishlar kiritish uchun ijrochiga
qaytarishi mumkin. Boshqa sabablar bilan yer tuzish loyihasini qaytarishga yo‘l qo‘yilmaydi.
12. Ijrochi uch ish kuni ichida kamchiliklarni bartaraf etib, loyihani tasdiqlash uchun tuman
(shahar) hokimligiga qayta kiritadi.
Bunda vakolatli tashkilotlar bilan qaytadan kelishish talab etilmaydi.
13. Tuman (shahar) hokimligi ikki ish kuni ichida taqdim etilgan yer tuzish loyihasini ko‘rib
chiqib, ERI bilan tasdiqlaydi hamda “E-IJARA” AT orqali ijrochiga yuboradi.
Yer tuzish loyihasi belgilangan muddatda tasdiqlanmagan hollarda loyiha tasdiqlangan
hisoblanadi va harakat “E-IJARA” AT da avtomatik tarzda keyingi bosqichga o‘tadi.
14. Ijrochi bir ish kuni ichida tuman (shahar) hokimligi tomonidan tasdiqlangan yer tuzish
loyihasi asosida yer uchastkasini ochiq elektron tanlovga qo‘yish to‘g‘risida ushbu Reglamentga 
2-
ilovaga 
muvofiq shakldagi elektron buyurtmani “E-IJARA” AT orqali operatorga yuboradi.
Buyurtmaga yer tuzish loyihasi ilova qilinadi.
15. Buyurtmaga yer tuzish loyihasi ilova qilinmagan yoki noto‘g‘ri ma’lumotlar taqdim etilgan
taqdirda, operator tomonidan buyurtma kelib tushgan kundan boshlab bir ish kunidan
kechikmasdan ko‘rsatilgan kamchiliklarni bartaraf etish uchun buyurtmani “E-IJARA” AT orqali
ijrochiga qaytaradi.
16. Ijrochi buyurtmani qaytarishga asos bo‘lgan kamchiliklarni bir ish kuni ichida to‘liq bartaraf
etib, takroran elektron buyurtmani “E-IJARA” AT orqali operatorga yuboradi.