Олий ва ўрта махсус таълим вазирлиги мирзо улуғбек номидаги ўзбекистон миллий университети ҳ. П. Абулқосимов, М.Ҳ. Абулқосимов иқтисодиёт қисқача изоҳли луғат «noshirlik yog‘dusi»

Товар ва хизматлар баланси – товар ва хизматлар 
экспорти ва импорти баланси (сайёҳлик, транспорт ва 
бошқалар) бўлиб, ҳисобот даврининг охиридаги салдони акс 
эттиради.
Товар ишлаб чиқариш – бунда товарлар ўзининг 
истеъмоли учун эмас, балки бозорда сотиш, айирбошлаш 
учун ва бошқаларнинг истеъмолини қондириш мақсадида 
ишлаб чиқарилади.
 
Товар ишлаб чиқариш натурал хўжа
-
ликнинг ривожланиши натижасида пайдо бўлди. Товар хў
-
жалигида кишилар ўртасидаги иқтисодий муносабатлар 

---

350
буюм орқали, улар меҳнати маҳсулларини олди-сотди қилиш 
орқали намоён бўлади. Товар ишлаб чиқаришнинг натурал 
ишлаб чиқаришдан фарқи шундаки, бунда товар ёки хиз
-
мат ўзининг истеъмоли учун эмас, балки бозорга сотиш 
учун яратилади. Товар хўжалигининг белгилари сифатида 
қўйидагилар чиқади: 1. Ижтимоий меҳнат тақсимотининг 
мавжуд бўлиши; 2. Ишлаб чиқарувчиларнинг мулк эгаси си
-
фатида бир-биридан алоҳидалашуви; 3. Маҳсулотларнинг 
бозор учун эркин айрибошлаш мақсадида ишлаб 
чиқарилиши.
Товар маркаси – бу рамз, белги, сурат, ном бўлиб, бир 
ёки бир неча ишлаб чиқарувчилар маҳсулотларини солишти
-
ришни (идентификация) ва рақобатчилар маҳсулотларидан 
фарқланишини таъминлайди. Маркалар ўз ичига махсус
рамзли белгилар, расмлар, номлар ва уларнинг 
қўшилмаларини қамраб олиши мумкин.
Товарнинг монопол паст нархи – товар бозорида сотув
-
чи ёки сотиб олувчи сифатида устун мавқени эгаллаб турган 
хўжалик юритувчи субъект томонидан товарнинг таннархи
-
дан паст даражада ва ушбу товарни сотишдан зарар келти
-
радиган даражада белгиланадиган, натижада рақобатнинг 
чекланишига олиб келадиган нарх товарнинг монопол паст 
нархидир.Товарнинг молия бозоридаги монопол паст нархи 
Ўзбекистон Республикаси Вазирлар Маҳкамаси томонидан 
белгиланган тартибда аниқланади.