O’zbekiston respublikasi oliy va o’rta maxsus ta’lim vazirligi guliston davlat universiteti «biologiyа» kafedrasi

Karpogon-
qizil suvo‘tlarining urg‘ochi jinsiy organi. Uning kolbasimon kengaygan 
qismida tuxum hujayra taraqqiy etadi.
 
Kleystokarpiy - 
yopiq meva tana bo‘lib, yumaloq shaklda. Xaltachalar meva 
tananing ichida joylashgan. Askosporalar pishib etilishi bilan meva tana yirtilishi natijasida
tashqariga chiqariladi. 
Klassifikatsiya-
o‘simliklarni kelib chiqishiga qarab sistemali ifodalash. 
Kokkoid-
harakatsiz hujayra po‘st bilan o‘ralib, bir- birlari bilan birlashib koloniya 
hosil qilishi. 
Konyugatsiya-
tashqi ko‘rinishidan jinsiy alomatlarga ega bo‘lmagan ikki teng 
hujayra protoplastlarining qo‘shilishi tufayli sodir bo‘ladigan jinsiy jarayon. 
Kraxmal 
- protoplazmada ko‘p to‘planadigan muhim oziqa moddadir. U ayniqsa, 
o‘simlik donlarida ko‘p to‘planadi. Kraxmal fotosintez jarayonida vujudga kelgan glyukoza 
va saxarozaga aylanadi va o‘simliklarning turli organlariga tarqaladi. 
Ko’payish 
- tirik organizmning o‘ziga o‘xshash organizm hosil qilish xususiyati. 
Hayotning saqlanishi va uzluksizligini ta‘minlaydi. Organizmning ko‘payishi asosida 
hujayralarning bo‘linishi yotadi. Ko‘payishning har xil shakllari bor; jinsiy ko‘payish, jinssiz 
ko‘payish, vegetativ ko‘payish va hokazo.
 
Lishayniklar
- tuban o‘simliklarga mansub bo‘lib, zamburug‘ (mikobiont) va suv o‘ti 
(fitobiont) ning simbiozidan hosil bo‘lgan organizmlar.
 
Meyoz 
- hujayralarning diploid holatidan gaploid (toq) xromosomaga ega hujayra 
hosil bo‘lib, xromosoma sonining reduktsiyasi (kamayishi) bilan ro‘y beradigan hujayra 
ko‘payishining alohida xili. V.Fleming hayvonlarda (1882), E.Strasburger (1888) 
o‘simliklarda kashf etgan. 
Mikoriza - 
tuproqdagi ayrim zamburug‘lar mitseliysi va yuksak o‘simliklar ildizining 
hamkorlikda yashashi. Mikorizalar o‘simlikka foydali ta‘sir ko‘rsatadi. Ichki yoki tashqi 
mikoriza larni farqlashimiz mumkin. Tashqi mikoriza (ektomikoriza)da zamburug‘ gifalari 
ildiz ichiga kirmasdan, uni tashqi tarafdan o‘rab turadi. Agar zamburug‘ gifalari ildiz ichida 
bo‘lsa, u holda ichki mikoriza (endomikoriza) deyiladi.