Ozbek-Tariyx-1-70-(каракалпак). indd

Ózbekstan — Tájikstan. 
Tájikstanda 1992—1997-jılları dawam etken 
urıs Tájikstannıń ekonomikalıq rawajlanıwına keri tásir tiygizdi, onıń 
qońsı eller, sonıń ishinde, Ózbekstan menen birge islesiwine de unamsız 
tásir kórsetti.
1997-jıl Moskvada Tájikstannıń rásmiy hákimiyatı menen qarsı 
kúshler ortasında dúzilgen milliy kelisim haqqındaǵı shártnamaǵa 
erisilgennen keyin, Tájikstannıń qońsı eller menen baylanısları jáne 
tiklendi.
Ózbekstan Respublikasınıń Birinshi Prezidenti Islam Karimovtıń 
usınısına muwapıq 1998-jılı yanvarda Tájikstan Prezidenti Imomali 
Rahmon Ózbekstanǵa ámeliy sapar menen keldi. Eki mámleket 
Arab-musılman elleri hám AQSh sammiti. 2017-jılı. Ar-Riyod
basshıları sapar juwmaqları boyınsha birgeliktegi bildiriwdi tastıyıqladı. 
Eki el húkimetleri ortasındaǵı júk tasıw hám de gaz jetkerip beriw, 
Tájikstannıń qarızı boyınsha óz ara esap-kitap haqqındaǵı kelisimler de 
tastıyıqlandı. Ózbekstan Tájikstan aymaǵınan ótken transport kommu-
nikaciyalarınan paydalanıp kelmekte. Ózbekstan menen Tájikstan 
ortasında tovar almastırıw kólemi de jıl sayın artıp bardı.

---

118
2017-jılı Ózbekstan hám Tájikstan qatnasıqlarında da jańa bet 
ashıldı. Sol jılı may ayında Ózbekstan Prezidenti Shavkat Mirziyoev 
Saud Arabstanı paytaxtı Ar-Riyod qalasında bolıp ótken AQSh hám 
arab-musılman mámleketleri sammitinde Tájikstan Prezidenti Imomali 
Rahmon menen dáslepki ret ushırastı. Ushırasıw waqtında kóplegen
paydalı kelisimlerge erisildi. 2017-jıldıń aprelinde 25 jıllıq tánepisten 
keyin Dushanbe hám Tashkent ortasındaǵı aviaqatnaw jáne tiklendi.
Ózbekstan — Túrkmenstan. 
1991-jılı Ózbekstan hám Túrkmenstan 
Prezidentleri ushırasıwında Ózbekstan Respublikası menen Túrkmen-
stan Respublikası ortasında doslıq hám birge islesiw haqqında shárt-
nama tastıyıqlanǵan. Ózbekstan Respublikasınıń Birinshi Prezidenti 
Islam Karimov 1996-jılı yanvarda ámeliy sapar menen Túrkmenstanda 
boldı. Chorjow qalasında S.Niyozov penen I.Karimov ortasında hám 
eki el delegaciyaları ortasında sóylesiwler boldı. Prezidentler Ózbekstan 
menen Túrkmenstan ortasında doslıq, birge islesiw hám óz ara járdem 
haqqındaǵı shártnamanı, Ózbekstan menen Túrkmenstan ortasında 
mámleketlik shegarasın qorǵawda birge islesiw haqqındaǵı hám suw 
xojalıǵı máseleleri boyınsha bir qatar kelisimler tastıyıqladı. 1991-jıldan 
2016-jılǵa shekem eki mámleket basshılarınıń 11 márte joqarı dárejedegi 
saparları ámelge asırıldı. Ózbekstan hám Túrkmenstan ortasındaǵı keń 
kólemli birge islesiwge baylanıslı áhmiyetli baǵdarlardı qamtıp alǵan 
mámleketler aralıq, húkimetler aralıq hám vedomstvolar aralıq dárejede 
tastıyıqlanǵan 150 den artıq xalıqaralıq shártnamalar eki mámleket 
qatnasıqlarınıń bekkem huqıqıy tiykarı bolıp xızmet etpekte.
Elimizde 2001-jılı shólkemlestirilgen Respublika túrkmen mádeniyat 
orayı xızmet júrgizbekte. Búgingi kúnde Ózbekstan aymaǵında túrkmen 
milletine tiyisli derlik 170 mıń xalıq jasap, 44 mektepte túrkmen 
tilinde tálim almaqta. Túrkmenstan Prezidenti Gurbanguli Berdimu-
hammedovtıń 2014-jılı may ayında elimizge rásmiy saparı waqtında